نصرت جہاں نے لال ساڑی میں کیا درگا پنڈال میں ایسا ڈانس، وائرل ہو گیا ویڈیو

نئی دہلی۔ کورونا دور میں ملک بھر میں احتیاط برتتے ہوئے ‘ درگا پوجا’ منایا جا رہا ہے۔ وہیں، سوشل میڈیا پر اداکارہ اور ترنمول کانگریس کی رکن پارلیمنٹ نصرت جہاں کا ایک ویڈیو تیزی سے وائرل ہو رہا ہے۔ اس ویڈیو میں نصرت کولکاتہ کے ایک درگا پوجا پنڈال میں ڈانس کرتی نظر آ رہی ہیں۔

اس دوران نصرت لال اور سفید ساڑی پہنی ہوئی نظر آئیں۔ انہوں نے تین خواتین کے ساتھ مل کر بنگال کا ایک روایتی رقص کیا جس کا ایک ویڈیو انہوں نے اپنے انسٹاگرام اکاونٹ پر شئیر کیا ہے۔

انٹرنیٹ پر چھایا نصرت کا ویڈیو

نصرت کا یہ ڈانس ویڈیو اب انٹرنیٹ پر چھا چکا ہے۔ لوگ سوشل میڈیا پر نصرت کو مبارکباد بھی دے رہے ہیں اور ساتھ ہی ان کی تعریف بھی کر رہے ہیں۔ بتا دیں کہ نصرت اپنے شوہر نکھل جین کے ساتھ بھی درگا پوجا پنڈال میں پہنچی تھیں جہاں انہوں نے اپنے شوہر کے ساتھ ماں درگا کا آشیش لیا تھا۔ نصرت جہاں نے ماں درگا کی آرتی کرنے کے بعد تلک بھی لگوایا اور مذاہب کے بھید کو بھول کر ڈھاک بجاتی اور اس کی تال پر ناچتی بھی نظر آئی تھیں۔