باپ کی خواہش پر بیٹے نے 16 شادیاں کرلیں، 144 پوتے پوتیاں بھی ہوگئے

افریقہ سے تعلق رکھنے والا ایک شخص سوشل میڈیا پر 16 بیویاں اور بچے رکھنے کی وجہ سے توجہ کا مرکز بنا ہوا ہے۔

تنزانیہ کے ایک چھوٹے سے گاؤں سے تعلق رکھنے والا شہری جس کا نام مزی ارنسٹو (Mzee Ernesto) ہے، نے 16 خواتین سے شادی کی ہے اور اس سے ان کے 100 سے زیادہ بچے اور 144 پوتے بھی ہیں۔

آج کل دو یا تین سے زیادہ بچوں کی دیکھ بھال کرنا نوجوانوں کی اکثریت کے لیے بوجھ ہے، لیکن پھر مزی ارنسٹو جیسے لوگ بھی ہیں جنہوں نے اپنی زندگی اپنے خاندان کو زیادہ سے زیادہ بڑھانے کے لیے وقف کر دی۔

ان کا گھر ایک چھوٹے سے گاؤں کی طرح لگتا ہے، جس میں ان کی ہر بیوی کے لیے ایک الگ گھر ہے اور وہاں موجود لوگ جگہ کام کاج کرتے ہیں اور درجنوں چھوٹے بچوں کی دیکھ بھال کرتے ہیں۔

ایک حالیہ انٹرویو میں مزی نے کہا کہ انہوں نے اپنے والد کی درخواست پر اپنے خاندان کو بڑھانا شروع کیا۔

انہوں نے اپنی پہلی بیوی سے 1961 میں شادی کی اور اس کے ایک سال بعد اس کا پہلا بچہ ہوا، لیکن ان کے والد نے انہیں بتایا کہ ایک بیوی کافی نہیں ہے۔

بیٹے نے بتایا کہ والد نے شادی کا تمام بوجھ اٹھانے کی پیشکش کی اس شرط پر اگر وہ زیادہ بیویاں رکھنے اور زیادہ بچے پیدا کرنے پر راضی ہو۔