عمران خان کی گرفتاری پر امریکا، برطانیہ پاکستان میں ’قانون کی حکمرانی‘ کی پاسداری کے خواہاں

سابق وزیر اعظم عمران خان کی گرفتاری کے بعد ملک بھر میں تشدد شروع ہونے کے بعد امریکا اور برطانیہ کے اعلیٰ سفارتی عہدیداروں نے پاکستان میں ’قانون کی حکمرانی‘ کی پاسداری کا مطالبہ کیا۔

رپورٹ کے مطابق امریکی وزیر خارجہ انٹونی بلنکن نے واشنگٹن میں ایک مشترکہ نیوز کانفرنس سے خطاب کرتے ہوئے کہا کہ ہم صرف اس بات کو یقینی بنانا چاہتے ہیں کہ پاکستان میں جو کچھ بھی ہو رہا ہے وہ قانون کی حکمرانی اور آئین کے مطابق ہو۔

انٹونی بلنکن کے ساتھ برطانوی وزیر خارجہ جیمز کلیورلی نے بات کرتے ہوئے کہا کہ برطانیہ کے دولت مشترکہ کے رکن پاکستان کے ساتھ ’ایک دیرینہ اور قریبی تعلقات‘ ہیں، ہم اس ملک میں پرامن جمہوریت اور قانون کی حکمرانی کو برقرار دیکھنا چاہتے ہیں۔

PAKISTAN: The clashes unfolding between Imran Khan's supporters and security enforcement following the former prime minister's arrest risks several human rights violations.

We call upon authorities to show restraint, and ensure any response is in line with the principles of…

— Amnesty International South Asia, Regional Office (@amnestysasia) May 9, 2023

دونوں نے مزید تفصیل سے تبصرہ کرنے سے انکار کر دیا، جبکہ برطانوی سیکریٹری خارجہ نے کہا انہیں صورتحال کے بارے میں مکمل طور پر آگاہ نہیں کیا گیا۔

اے ایف پی کے مطابق وائٹ ہاؤس کی پریس سیکریٹری کرین جین پیئر نے پاکستان کی صورتحال کے بارے میں پوچھے جانے پر کہا کہ جیسا کہ ہم پہلے کہہ چکے ہیں کہ امریکا ایک سیاسی امیدوار یا پارٹی کے مقابلے میں دوسرے کی طرف داری نہیں کرتا’۔

واشنگٹن میں اقوام متحدہ نے کہا کہ وہ عمران خان کی گرفتاری کے بعد پاکستان کی سیاسی صورتحال پر نظر رکھے گی تاکہ اس بات کو یقینی بنایا جا سکے کہ ملک میں تمام سیاسی شخصیات کے ساتھ منصفانہ سلوک کیا جائے۔

عمران خان کی گرفتاری پر تبصرہ کرنے کے لیے اقوام متحدہ کے سیکریٹری جنرل کے نائب ترجمان فرحان حق نے کہا کہ ’ہماری تشویش اس بات کو یقینی بنا رہی ہے کہ پاکستان میں تمام سیاسی شخصیات کے ساتھ منصفانہ سلوک کیا جائے اور یقیناً مناسب عمل کی پیروی کی جائے‘.

فرحان حق نے نیویارک میں اقوام متحدہ کے ہیڈ کوارٹر میں نیوز بریفنگ سے خطاب کرتے ہوئے مزید کہا کہ ’لہٰذا یہ یقینی بنانے کے لیے کہ ہمارے خدشات کو دور کیا جا رہا ہے ہم اس عمل کی پیروی کریں گے‘۔

واشنگٹن میں لندن کی انسانی حقوق کی تنظیم ایمنسٹی انٹرنیشنل نے اپنے ہیڈکوارٹر سے جاری کردہ ایک بیان شیئر کیا۔