امریکہ میں چاقو بازی میں ایک شخص کی موت

سان فرانسسکو،  6 اکتوبر (یو این آئی) امریکہ کی ریاست کیلیفورنیا کے یونین سٹی میں واقع ایک موبائل ہوم پارک میں جمعرات کی صبح چاقو کے وار سے ایک شخص  کی موت ہوگئی اور دو دیگر زخمی ہو گئے۔

حکام نے یہ اطلاع دی ہے۔

اطلاع ملنے پر پولیس اہلکار موقع پر پہنچے جہاں انہوں نے تین افراد کو زخمی حالت میں پایا جن میں سے ایک موقع پر ہی دم توڑ گیا۔

پولیس نے بتایا کہ دیگر دو زخمیوں کو علاج کے لیے مقامی اسپتال لے جایا گیا ہے۔

پولیس نے بے ایریا میں ماؤنٹین ویو کے 21 سالہ کارلوس ڈینیئل ہرنینڈز کو چاقو مارنے کے شبہ میں گرفتار کرنے کی تصدیق کی۔

واقعے کی وجوہات کی تحقیقات کی جارہی ہیں۔