یوپی کے مدارس میں جلدہی شروع ہوگی آن لائن تعلیم کا سلسلہ:نندی

لکھنو: اترپردیش حکومت نے دیگر تعلیمی بورڈوں کی طرح مدرسہ ایجوکیشن بورڈ کے تحت چلنے والے مدارس میں آن لائن تعلیم شروع کرانے کی منظوری دے دی ہے اور اب جلد ہی جماعت ایک تا آٹھ، جماعت 9 تا 12 تک اور کامل، فاضل کی جماعتوں میں آن لائن تعلیم کا سلسلہ شروع ہوگا۔

ریاست کے اقلیتی امور ،وقف اور حج،شہر اڑان و سیاسی پنشن کے وزیر نند گوپال گپتا نندی نے آج یہاں بتایا کہ جب تک مدارس میں آف لائن تعلیم کا سلسلہ شروع نہیں ہوتا تب تک مستقل آن لائن تدریس کی اجازت ہوگی۔
اس کے لئے مدرسہ ایجوکیشن بورڈ سے منظور سبھی مدارس کو اجازت دے دی گئی ہے۔