آپریشن سندور: پونچھ میں پاکستانی گولہ باری میں فوجی شہید، ہریانہ کا رہنے والا تھا فوجی جوان

جموں: ہندوستانی فوج نے پاکستان اور پاکستان کے زیر قبضہ کشمیر (پی او کے) میں ‘آپریشن سندور’ کے تحت میزائل حملے کرکے دہشت گردوں کے کئی ٹھکانوں کو تباہ کردیا۔ اس سے مایوس ہو کر پاکستان نے جنگ بندی کی خلاف ورزی کرتے ہوئے پونچھ میں فائرنگ کی۔

پاکستانی فوجیوں کی گولہ باری میں بھارتی فوج کا ایک سپاہی شہید ہوگیا۔ حالانکہ صبح کے وقت وہ شدید زخمی ہو گیا تھا۔ بہت کوشش کے باوجود اسے بچایا نہیں جا سکا۔

ہندوستانی فوج نے دی جانکاری

پاکستانی فوجیوں کی گولہ باری میں ہریانہ کے پلوال ضلع کا رہنے والا لانس نائک دنیش کمار زخمی ہوگیا۔ زخمی فوجی کو فوری طور پر اسپتال لے جایا گیا تاہم وہ جانبر نہ ہو سکا۔ ہندوستانی فوج نے اس واقعہ کی جانکاری دی۔

شہید فوجی ہریانہ کے ضلع پلوال کا رہنے والا تھا۔ شہید کا جسد خاکی جمعرات کو ان کے آبائی گاؤں پلوال روانہ کیا جائے گا۔ جہاں پورے فوجی اعزاز کے ساتھ ان کی آخری رسومات ادا کی جائیں گی۔

ایل او سی کے قریب پاکستانی گولہ باری

آپریشن سندور کی وجہ سے پریشان پاکستانی فوج نے بارہمولہ اور کپواڑہ کے آگے کے دیہاتوں کے علاوہ جموں کے علاقے پونچھ اور راجوری پر گولہ باری اور مارٹر حملے شروع کیے۔ جس میں 12 افراد ہلاک اور 50 سے زائد زخمی ہوئے۔

آپ کو بتا دیں کہ 22 اپریل 2025 کو جنوبی کشمیر کے سیاحتی مقام پہلگام میں ایک دہشت گردانہ حملے میں 26 لوگ مارے گئے تھے۔ اس کے جواب میں بھارت نے آپریشن سندور شروع کیا۔

شہید کا جسد خاکی جمعرات کو ان کے آبائی گاؤں پلوال روانہ کیا جائے گا، جہاں پورے فوجی اعزاز کے ساتھ ان کی آخری رسومات ادا کی جائیں گی۔