اُردو یونیورسٹی ریگولر کورسس میں برسر موقع داخلے’ 20 دسمبر آخری تاریخ

حیدرآباد: مولانا آزاد نیشنل اردو یونیورسٹی’ میرٹ کی اساس پر چلائے جانے والے کورسس (انڈرگریجویٹ اور پوسٹ گریجویٹ) میں آن لائن برسر موقع داخلوں کی خاطر ایسے امیدواروں کے لیے اپنا پورٹل کھول رہی ہے جو مختلف کورسس میں داخلہ کی تازہ درخواست جمع کرنا چاہتے ہیں یا ایسے امیدوار جنہوں نے پہلے درخواست جمع کی تھی لیکن انہیں داخلہ نہیں ملا۔

رجسٹرار انچارج کی جانب سے جاری کردہ اعلامیہ کے بموجب رجسٹریشن’ دستاویزات کی اپلوڈنگ اور فیس کی ادائیگی کے ذریعہ عبوری داخلے (تابع شرائط) کی آخری تاریخ 20 دسمبر 2020 ہے۔

انٹرنس ٹسٹ کی بنیاد پر داخلے کے کورسس میں ایسے امیدوار جو انٹرنس میں اہل قرار دیے گئے لیکن انہیں داخلہ نہیں ملا وہ بھی فیس کی ادائیگی اور دستاویزات کی اپلوڈنگ کے ذریعے عبوری داخلہ (تابع شرائط) پاسکتے ہیں۔تمام تفصیلات یونیورسٹی ویب سائٹ manuu.edu.in پر دستیاب ہیں۔