حیدرآباد کی عثمانیہ یونیورسٹی کے لیزرشومیں رکاوٹ، طلبا گرفتار

حیدرآباد 12 فروری(یواین آئی)شہرحیدرآباد کی مشہورعثمانیہ یونیورسٹی کے لیزر شو میں رکاوٹ ڈالنے والے طلبہ یونین کے لیڈروں کو پولیس نے گرفتار کر لیا۔

عثمانیہ یونیورسٹی میں ہر ہفتہ اور اتوار کی شام ڈائنامک لائٹنگ اور ساؤنڈ سسٹم کے ساتھ لیزر شو کے ذریعہ مشہور شخصیات کی تاریخ پیش کی جاتی ہے.

لیکن گذشتہ شب بعض طلبہ یونینوں کے لیڈروں نے انقلابی گلوکارغدر اوردیگر کی تاریخ کو اس لیزر شو میں پیش نہ کرنے پر اس شومیں رکاوٹ ڈالنے کی کوشش کی جس سے کچھ دیرکیلئے صورتحال کشیدہ ہوگئی۔اطلاع ملتے ہی پولیس وہاں پہنچی جس نے ان طلبا کو گرفتارکرلیا۔