پاکستان میں بم دھماکے، دو فوجی ہلاک

اسلام آباد،3 اگست (یواین آئی) پاکستان کے جنوب مشرقی صوبہ بلوچستان میں جمعہ کی شب سیکورٹی فورس کا قافلہ بم دھماکے کی زد میں آنے سے دو فوجی ہلاک ہوگئے جبکہ ایک زخمی ہو گیا۔

مقامی میڈیا نے بتایا کہ پشين کے ملی زئي کے علاقہ میں بم دھماکے کی وجہ سے تین فوجی شدید طور سے زخمی ہو گئے۔ انہیں فوری طور پر اسپتال لے جایا گیا جہاں دو فوجیوں کی موت ہوگئی۔
ابتدائی جانچ میں پتہ چلا ہے کہ دھماکہ خیز مادہ سڑک کنارے کھڑی ایک موٹر سائیکل میں نصب کیا گیا تھا اور اس میں ریموٹ کے ذریعے دھماکہ کیا گیا۔ کسی بھی شخص یا تنظیم نے ابھی تک حملے کی ذمہ داری نہیں لی ہے۔
قابل غور ہے کہ بلوچستان میں گزشتہ 10 دن میں یہ تیسرا دھماکہ ہے۔ صوبہ کے دارالحکومت کوئٹہ میں منگل کو سیکورٹی فورسز کے قافلہ کو نشانہ بنا کر کئے گئے موٹر سائیکل بم دھماکے میں تین پولیس اہلکاروں سمیت پانچ افراد ہلاک ہوگئے تھے۔