فلائٹ میں 47 اژدھے، 2چھپکلیوں کیساتھ سفر کرنیوالا مسافر زیرِ حراست

ریاست تامل ناڈو کے تروچیراپلی بین الاقوامی ہوائی اڈے پر 47 اژدھے اور دو چھپکلیوں کے ساتھ لینڈ کرنے والے مسافر کو پکڑ لیا گیا۔کوالالمپور سے تریچی ایئرپورٹ پر اترنے والی فلائٹ میں ایک مسافر کے بیگ سے زندہ رینگنے والے جانور برآمد ہونے پر کسٹم حکام کی جانب سے مسافر کو گرفتار کر لیا گیا۔

تریچی ہوائی اڈے کے حکام کے مطابق کوالالمپور سے آنے والے مسافر کو تریچی کے ایئرپورٹ پر اس وقت دھرا گیا جب مسافر کے بیگ میں زندہ رینگنے والے جانور، 47 اژدھے اور دو چھپکلیوں کی موجودگی کا علم ہوا۔

میڈیا رپورٹس کے مطابق باٹک ایئر کی پرواز کے ذریعے تریچی ہوائی اڈے پر پہنچنے والے مسافر کو کسٹمز حکام نے جب روکا تو اس کے ٹرالی بیگ میں سے کچھ عجیب و غریب تھیلے برآمد ہوئے جن کی چھان بین کرنے پر معلوم ہوا کہ ان تھیلوں میں زندہ، چھپائے گئے مختلف اقسام اور سائز کے زندہ رینگنے والے جانور موجود ہیں۔