جموں و کشمیر کے عوام سخت ترین مشکلات اور مصائب سے دوچار:نیشنل کانفرنس

سری نگر: جموں و کشمیر کے عوام کو ہر سطح پر پشت بہ دیوار، محتاج اور بے اختیار کرنا موجودہ حکمرانوں کا واحد کام ہے اور تمام سرکاری مشینری اسی کام میں لگی ہوئی ہے ۔جمہوریت کے فقدان سے لیکر روزمرہ کی ضروریاتِ زندگی کی عدم فراہمی تک یہاں کے عوام زبردست اور گوناگوں مشکلات اور مصائب کا سامنا ہے ۔

ان باتوں کا اظہار نیشنل کانفرنس جنرل سکریٹری حاجی علی محمد ساگر نے آج پارٹی ہیڈکوارٹر پر ایک خصوصی اجلاس سے خطاب کرتے ہوئے کیا۔

File Photo

انہوں نے کہا کہ ایک طرف جموں وکشمیر کے عوام کو گذشتہ 5برسوں سے ایک عوامی منتخبہ حکومت سے محروم رکھا گیا ہے اور دوسری جانب آئے روز ایسے اقدامات اٹھائے جارہے ہیں جس سے یہاں جمہوریت زمین بوس ہورہی ہے اور یہ صورتحال یہاں کی آبادی کیلئے وبال جان بن کر رہ گئی ہے ۔ یہاں کے عوام کو جان بوجھ کا غربت اور افلاس کی طرف دھکیلا جارہاہے جبکہ غریب عوام کو فاقہ کشی پر مجبور کیا جارہاہے ۔

Two suspicious bags were found on Friday morning near NC office in Mendhar area of #Poonch district.two suspicious red bags were found near Main gate of PWD colony in front of National Conference office in Mendhar this morning. #Kashmir #securityclearances #JammuAndKashmir pic.twitter.com/ibmydA2WH3

— Gani dar (@Ganidar2) June 17, 2023

انہوں نے کہا کہ جموں وکشمیر میں لوگوں کو فی فرد 15کلو راشن فراہم ہوتا تھا ،اپریل 2016میں یہاں نفسا کا اطلاق عمل میں لایا گیا اور راشن کی تعداد11کلو فی فرد ہوگئی اور اب یہ تعداد5کلو تک پہنچا دی گئی ہے ۔ حد تو یہ ہے کہ محض 5کلو راشن کیلئے بھی لوگوں کو سخت مشکلات کا سامنا کرنا پڑر ہا ہے ۔
انہوں نے کہا کہ بجلی کی بحران دن بہ دن سنگین ہوتا جارہاہے ۔ بجلی فیس میں ہوشربا اضافے اور سمارٹ میٹرنصب کئے جانے کے باوجو دبھی بجلی کٹوتی میں اضافہ ہی ہوتا جارہاہے ۔ جن غرب کنبوں کیلئے 150روپے ماہانہ بجلی ادا کرنا مشکل ہوتا تھا اُن ہی کنبوں کو اب کم از کم 1150روپے کی بلیں موصول ہوتی ہیں۔

انہوں نے کہا کہ چند ہزار روپے کمانے والا غریب شہری اس مہنگائی کے دور میں کیسے موٹی موٹی بجلی بلیں ادا کرسکتا ہے ۔ ساگر نے اس موقعے پر کہا کہ ہم بار بار یہ کہتے آئے ہیں کہ افسر شاہی عوامی منتخبہ حکومت کا متبادل نہیں ہوسکے ۔
ان کا کہنا تھا کہ بیروکریسی کے راج میں عوام کی کوئی شنوائی نہیں ہوتی اور جو بھی کام ہوتے ہیں وہ محض اشتہار بازی اور دکھاوے کیلئے ہوتے ہیں اور جموں و کشمیر کی موجودہ صورتحال سے یہ ساری باتیں صحیح ثابت ہورہی ہیں۔ ساگر نے کہا کہ کہ گذشتہ5برسوں کے دوران جموں و کشمیر کو تباہی اور بربادی کے دہانے پر لاکھڑا کیا گیا ہے اور اس تاریخی ریاست کو ہر سطح پر نظرانداز کیا جارہا ہے ۔

جموں وکشمیر کا ہر ایک شعبہ اس وقت تنزلی کا شکار ہے جبکہ حکمران اور اعلیٰ عہدوں پر فائز لوگ تعمیر و ترقی اور امن و امان کے بڑے بڑے دعوے کررہے ہیں لیکن زمینی سطح پر حالات ان دعو[؟]ں کے عین برعکس ہیں۔ گذشتہ5سال کے دوران کشمیر کو اندھیروں میں دھکیلنے کے سوا اور کوئی کام نہیں ہوا ہے ۔