انیسویں روز بھی پٹرول اورڈیزل کی قیمتیں ریکارڈ سطح پر برقرار

نئی دہلی، 18 مارچ ( یواین آئی) بیرون ممالک میں خام تیل کی قیمتوں میں نرمی کے باوجود جمعرات کے روز مسلسل 19 ویں روز بھی ملک میں پٹرول اور ڈیزل کی قیمتوں میں کوئی کمی نہیں کی گئی ہے۔غیر ملکی منڈیوں میں خام تیل کی قیمتوں میں نرمی کا رجحان دیکھا جارہا ہے۔ سنگاپور میں لندن برینٹ 68 ڈالر فی بیرل سے نیچے گر چکا ہے۔

دارالحکومت دہلی میں پٹرول فی الحال 91.17 روپے اور ڈیزل 81.47 روپے فی لیٹر ہے۔ ان دونوں کی قیمتوں میں 27 فروری کو بالترتیب 24 پیسے اور 15 پیسے فی لیٹر اضافہ کیا گیا تھا اوران دونوں کی کم و بیش قیمتیں ملک بھر میں بھی برقرارہیں۔

آئل مارکیٹنگ کی سرکاری کمپنی انڈین آئل کارپوریشن کے مطابق آج ان دونوں ایندھن کی قیمتیں مستحکم ہیں۔
ماہرین کا کہنا ہے کہ ملک کی پانچ ریاستوں میں ہونے والے اسمبلی انتخابات کی وجہ سے پٹرول ڈیزل کی قیمتوں میں کوئی تبدیلی نہیں کی جارہی ہے۔