پٹرول اور ڈیزل کی قیمتوں میں مسلسل پانچویں روز اضافہ، ممبئی میں پٹرول 90 سے متجاوز

نئی دہلی، 6 دسمبر (یو این آئی) سرکاری آئل مارکیٹنگ کمپنیوں نے اتوار کے روز مسلسل پانچویں دن پٹرول اور ڈیزل کی قیمتوں میں اضافہ کیا ہے۔ تجارتی شہر ممبئی میں آج پٹرول کے دام 90 روپے فی لیٹر کے ہوگئے ہیں، جبکہ دارالحکومت میں دو سال بعد کل ہی یہ 83 روپے سے تجاوز کرگئے تھے۔

آج ملک کے چار بڑے میٹرو شہروں میں پیٹرول میں 28 پیسے اور ڈیزل میں 30 پیسے فی لیٹر کا اضافہ ہوا ہے۔
دہلی میں آج پٹرول 83.41 روپے فی لیٹر اور ڈیزل 73.62 روپے فی لیٹر تک پہنچ گیا۔
تجارتی شہر ممبئی میں پٹرول 90.01 روپے اور ڈیزل کی قیمت 80.20 روپے فی لیٹر ہے۔ چنئی میں قیمتیں بالترتیب 86.21 اور 78.93 فی لیٹر ہیں۔ کولکاتہ میں پٹرول کی قیمت میں 84.86 روپے اور ڈیزل کی قیمت 77.15 روپے فی لیٹر ہوگئی ہے۔

ملک کے چار بڑے میٹرو شہروں میں آج دونوں ایندھن کی قیمت فی لیٹر اس طرح رہیں۔
پٹرول ڈیزل
دہلی 83.41 73.62
ممبئی 90.01 80.20
چنئی 86.21 78.93
کولکاتہ 84.86 77.15