مسلسل دوسرے دن پٹرول اور ڈیزل کے دام مستحکم

نئی دہلی، 24 ستمبر (یو این آئی) ملک میں جمعرات کو مسلسل دوسرے دن پٹرول اور ڈیزل کے دام مستحکم رہے۔ اس سے قبل سرکاری تیل کمپنیوں نے منگل تک ڈیزل کے دام میں مسلسل چھ دن کٹوتی کی تھی جبکہ تین دن بعد پٹرول کی قیمت میں بھی 9 پیسے تک کمی کی گئی تھی۔

تیل مارکیٹنگ شعبے کی معروف کمپنی انڈین آئل کے مطابق آج دلی میں پٹرول 81.06 جبکہ ڈیزل 71.28 روپے فی لیٹر پر مستحکم رہا۔
تجارتی شہری ممبئی میں پٹرول 87.74 روپے فی لیٹر اور ڈیزل 77.74 روپے فی لیٹر رہا۔
کولکتہ میں پٹرول 82.59 روپے فی لیٹر جبکہ ڈیزل کی قیمت 74.80 روپے فی لیٹر رہی۔