پیٹرول اور ڈیزل کی قیمت میں اضافہ

نئی دہلی:گھریلو بازار میں ڈیژل کی قیمت میں منگل کو مسلسل 13ویں روز اضافہ ہوا۔ پیٹرول کی قیمت میں بھی مسلسل چھٹے روز اضافہ نظر آیا۔راجدھانی دہلی میں ڈیژل کی قیمت میں 19 پیسے کا اضافہ ہوا جس سے اس کی قیمت 66 روپے فی لیٹر کے نزدیک پہنچ گئی ہے ۔ منگل کو دہلی میں ڈیژل کی قیمت 65.90 روپے فی لیٹر رہی۔

صنعتی شہر ممبئی میں ڈیژل میں 20 پیسے کے اضافہ سے اس کی قیمت 69.01 روپے فی لیٹر تک پہنچ گئی۔ دونوں بڑے شہروں میں پیٹرول کی قیمت بالترتیب 71.27 اور 76.90 روپے فی لیٹر رہی۔کولکتہ اور چنئی میں ڈیژل کی قیمتوں بالترتیب 67.68 اور 69.62 روپے اور پیٹرول کی قیمت بالترتیب 73.36 اور 73.99 فی لیٹر تک پہنچ گئی۔راجدھانی سے متصل گروگرام اور نوائیڈہ میں ڈیژل بالترتیب 65.67 اور 64.93 روپے فی لیٹر رہا۔پیٹرول یہاں بالترتیب 71.99 اور 70.84 روپے فی لیٹر پہنچ گیا۔