بغیر ماسک کے گھوم رہے لوگوں کا پولیس نے کیا چالان

گورکھپور: ایس ایس پی ڈاکٹر سنیل گپتاکے حکم کے مطابق ایس پی جنوبی وپل کمار شریواستو کی ہدایت میں بانس گاؤں تھانہ کے تحت کوڑی رام چوراہے پر سرکل افسر بانس گاؤں نتیش سنگھ کی رہنمائی میں بانس گاؤں تھانہ انچارج سی پی جیسل ، کوڑی رام چوکی انچارج پرمود کمار شکلانے اپنے ہمراہیوں کے ساتھ دوپہیہ وچار پہیہ گاڑیوں سے بغیر ماسک گھومنے والوں کو روک کر ۱۸لوگوں کا چالان کرکے جرمانہ وصول کیاگیا۔

چالان کرنے کے بعد سبھی کو سخت ہدایت بھی دی گئی کہ بغیر ماسک کے گھروں  سے باہر نہیں نکلنا ہے اگر دوبارہ خلاف ورزی کرتے ہوئے پکڑے گئے توقانونی کارروائی بھی کی جائے گی۔اس کے ساتھ ساتھ دوپہیہ اور چار پہیہ گاڑیوں کی بھی چیکنگ کی گئی۔

گاڑیوں کا ای۔ چالان بھی کاٹا گیا ۔دوپہیہ گاڑیوں کے کاغذات اور ہیلمٹ کی بھی جانچ کی گئی۔ساتھ ہی انتباہ بھی دیاگیا کہ اپنے گھر سے بغیر ہیلمٹ و ماسک لگائے باہر نہ نکلیں،ورنہ آئندہ اور سخت کارروائی عمل میں لائی جائے گی۔