وکاس دوبے کے تھوڑاقریب پہنچی پولیس،گنر کا معاون حراست میں

کانپور: وکاس دوبے کی تلاش میں لگی یوپی پولیس کو منگل کو ایک بڑی کامیابی ملی۔وکاس دوبے کے گنرببن شکلاکو لائسنسی بندوق سمیت بھاگنے میں مدد کرنے والا پولیس کے ہتھے چڑھ گیا۔

دوشنبہ کی نصف رات پولیس نے موضع بھاؤپور میں  چھاپہ ماری کرکےببن کے ایک رشتہ دار کو حراست میں لیتے ہوئے کانپور لے آئی۔ ایس ٹی ایف کانپور کو ملی دیگر اطلاعات کے بعد علاقہ میں پولیس کی سرگرمیاں بڑھ گئی ہیں۔

بھتیجے کے راز پر چچاآیا گرفت میں:کلیان پور کے بھاؤپور موضع میں دودن قبل موضع بکرو کے رہنے والے وکاس دوبے کا گنرببن شکلا رشتہ دار کے گھر آیاتھا،پولیس اسے پکڑنے کیلئے گھیرا بندی کرتی اس سے قبل ببن رشتہ دار کی مدد سے محفوظ گنگاکٹری کے راستہ نکل گیا۔ کانپور پولیس ببن کے دورشتہ داروں کو حراست میں لے کر کانپور لائی تھی۔

ذرائع کے مطابق حراست میں لئے گئے نوجوان نے قبول کیا کہ اس کے چچانے ببن شکلاکو ساتھی کے ساتھ محفوظ نکالنے میں مدد کی ہے۔

ببن کے کٹری میں چھپے ہونے کا شک:ذرائع کے مطابق بھلے ہی حراست میں لئے گئے ببن کے رشتہ داروں نے پولیس سے اسے محفوظ اناؤ سرحد میں پہنچانے کی بات تسلیم کی ہے ،لیکن پولیس کواس بات کا شک ہے کہ ببن شکلا اپنے ساتھی کے ساتھ فتح پور-اناؤ کی سرحد میں ہی کہیں چھپاہے۔

بھاؤپور سے نکلتے ہی شاطر کا موبائل بند ہے،لوکیشن معلوم نہ ہونے پر پولیس مقامی لوگوںکی مدد سے اس کی تلاش کررہی ہے۔

ایک درجن مواضعات پولیس کے رڈار پر:بھاؤ پور کے گھنے جنگل سمیت کٹری کے نصف درجن مواضعات پولیس کے رڈار میں ہیں۔گنگا کٹری کے لودھی کھیڑا،کرن پور،بینی کھیڑا، رانی کٹری اور اناؤضلع کے سنڈوا، لال کھیڑا، بسنت کھیڑا،جماریاکاپوروا،بھوناکھیڑا،دلی کھیڑاوغیرہ مواضعات پر پولیس کی نظر ہے ، کٹری کی جانب آنے جانے والے لوگوں پر بھی نگاہ رکھی جارہی ہے،پولیس کی چہل قدمی سے علاقہ کے لوگ سہمے ہوئےہیں۔ببن دوبے وکاس دوبے کا پڑوسی اور سب سے بھروسے مند ہے ،ہرطرح کے ہتھیار چلانے میں ماہر ببن وکاس کے ساتھ سائے کی طرح رہتاتھا،واردات کے بعد سے ببن فرار ہے ،پولیس کواس کی لوکیشن فتح پور ملی تھی۔گرفتار کئے گئے رشتہ دار کے مطابق تو ببن اتوار کی رات آیاتھااور بہت پریشان تھا، کالی موٹرسائیکل سے چل رہاہے ،پولیس کو شک ہے کہ ببن ابھی بھی اناؤکٹری میں  چھپا ہے۔

گنر کے بھاؤ پورکے رہنے والے رشتہ داروںنے بتایاکہ وہ سیاہ رنگ کی موٹرسائیکل سے شام ۶بجے چوبے پور تھانہ کے بھوسانا کے رہنے والے اپنے برادرنسبتی کے ساتھ وہاں پہنچاتھا،دروازے پر ہی چار پائی ڈال کر بیٹھنے کو کہاتوانکار کرتے ہوئے گھر کے اندر آکر بیٹھ گیا۔ناشتہ کرنے کے ساتھ وہ قریب ڈیڑھ گھنٹے تک وہاں رکا، اس کے بعد فون پر کسی سے بات کی اور تیزی سے نکل گیا۔