ظریف کے استعفی کے باوجود امریکہ -ایران کی پالیسی میں تبدیلی نہیں ہوگی : پومپيو

واشنگٹن، 26 فروری (اسپوتنك) امریکہ کے وزیر خارجہ مائیک پومپيو نے کہا ہے کہ ایران کے وزیر خارجہ محمد جواد ظریف کے استعفی دینے کے باوجود امریکہ کی ایران کے تئیں پالیسی میں کسی طرح کی تبدیلی نہیں ہو گی۔مسٹر پومپيو نے پیر کو ٹویٹ کیا’’ہمیں مسٹر ظریف کے استعفی کی اطلاع ہے۔ہم دیکھیں گے کہ اسے قبول کیا جاتا ہے یا نہیں۔ ہماری پالیسی میں کسی طرح کی تبدیلی نہیں ہو گی۔ ایران کو ایک عام ملک کی طرح برتاؤ کرتے ہوئے اپنے عوام کا احترام کرنا چاہئے‘‘۔

مسٹر پومپيو نے کہا کہ مسٹر روحانی اور مسٹر ظریف صرف نام کے نمائندہ ہیں۔ ایران کے تمام حتمی فیصلہ ایران کے سپریم لیڈر آیت اللہ علی خامنہ ای کرتے ہیں۔ امریکہ کی وزارت خارجہ کے ترجمان نے کہا ہے کہ امریکہ مسٹر ظریف کے استعفی سے متعلق رپورٹوں پر باریک بینی سے نگاہ رکھے ہوئے ہے۔