مندر کے پجاری کا گولی مار کر قتل

مین پوری: اترپردیش میں مین پوری کے کررا علاقے میں نامعلوم حملہ آوروں نے مندر کے ایک پجاری کا گولی مار کر قتل کردیا۔

پولیس کے ذرائع نے آج یہاں بتایا کہ گزشتہ شب کررا علاقے کے بھوانی پور گاؤں میں واقع بلرام سنگھ ٹھاکر مندر کے پجاری بابو سسودیا (25) کو نامعلوم بدمعاشون نے گولی ماردی جس سے ان کی موت ہوگئی۔ قتل کی وجہ معلوم نہیں ہوسکی۔ انہوں نے بتایا کہ مہلوک مدھیہ پردیش کے اجین کا رہنے والا تھا۔ پولیس معاملے کی چھان بین کر رہی ہے ۔