وزیراعظم مودی نے لتا کو سالگرہ کی مبارکباد دی

نئی دہلی،28 ستمبر(یواین آئی) وزیراعظم نریندر مودی نے پیر کو سوارا کوکیلا لتا منگیشکر کو سالگرہ کی مبارکباد دیتے ہوئے کہا کہ وہ ملک میں گھر گھر کا جانا پہچانا نام ہیں۔

بھارت رتن،پدم ویبھوشن ،پدم بھوشن اور اسپیشل لائف ٹائم جیسے بے حد اہم اعزازوں سے نوازی جاچکیں سوارا کوکیلا کی پیدائش 28ستمبر1929 کو اندور میں ہوئی تھی۔ وہ آج 91 برس کی ہوگئی ہیں۔
مسٹر مودی نے سوارا کوکیلا کو سالگرہ کی مبارکباد دیتے ہوئے کہا،’’ لتا دی دی سے فون پر بات کرکے انہیں سالگرہ کی مبارکباد دی اور ان کی صحت اور لمبی عمر کی دعا کی۔ لتا دی دی کا نام ملک کے گھر گھر تک ہے۔ میں اپنے آپ کو خوش قسمت مانتا ہوں کہ مجھے ہمیشہ ان کا پیار اور آشیرواد ملا ہے۔‘‘