وزیر اعظم پاکستان عمران خان کا کورونا ٹیسٹ مثبت آ گیا

پاکستان کے وزیر اعظم عمران خاں کے معاون خصوصی برائے صحت فیصل سلطان نے ٹوئٹر پر جاری بیان میں کہا ہے کہ عمران خان کا کورونا ٹیسٹ مثبت آیا ہے۔انہوں نے کہا کہ وزیراعظم عمران خان نے خود کو گھر میں قرنطینہ کرلیا ہے۔

یاد رہے کہ عمران خان نے 18 مارچ کو عالمی وبا کورونا سے بچاؤ کی ویکسین لگوائی تھی۔

عمران خاں نے اپنے شہریوں سے اپیل کی تھی کہ کورونا وبا کی تیسری لہر کے پیش نظر ایس او پیز پر مکمل عمل درآمد کو یقینی بنایا جائے۔

دوسری جانب پاکستان بھر میں کورونا ویکسین لگانے کی مہم جاری ہے، پہلے مرحلے میں 60 سال اور اس سے زائد عمر کے افراد اور فرنٹ لائن ورکرز کو کورونا ویکسین فراہم کی جارہی ہے۔