وزیراعظم نے چندر شیکھر آزاد کو ان کی یوم پیدائش پر خراج عقیدت پیش کیا

نئی دہلی، 23 جولائی (یو این آئی) وزیر اعظم نریندر مودی نے منگل کو عظیم انقلابی مجاہد آزادی  چندر شیکھر آزاد کو ان کی یوم پیدائش پر  خراج عقیدت پیش کیا۔
مسٹر مودی نے انہیں ایک نڈر ہیرو قرار دیا اور کہا کہ وہ نوجوانوں کے لیے مثالی ماڈل ہیں۔

وزیر اعظم نے  ایکس کے اپنے اکاؤنٹ پر ایک پوسٹ میں کہا ’’میں عظیم چندر شیکھر آزاد کو ان کی یوم پیدائش پر خراج عقیدت پیش کرتا ہوں۔ وہ ایک نڈر ہیرو تھے، جو ہندوستان کی آزادی کے مقصد کے لیے غیر متزلزل جرات اور عزم سے لبریز تھے۔ ان کے نظریات اور خیالات لاکھوں لوگوں بالخصوص نوجوانوں کے دل و دماغ میں گونجتے رہتے ہیں۔