مرکز ہماچل آفت کو ‘قومی آفت’اعلان کرے : پرینکا گاندھی

شملہ : کانگریس کی جنرل سکریٹری پرینکا گاندھی واڈرا نے منگل کو کہا کہ ہماچل پردیش کے لوگوں نے تباہی کا سامناطاقت اور اتحاد کے ساتھ کیا ہے اور مرکزی حکومت کو اسے ‘قومی آفت’ اعلان کرنا چاہئے ۔

محترمہ واڈرا نے منالی میںصحافیوں سے بات کرتے ہوئے کہا،[؟]ہماچل پردیش کے لوگوں نے طاقت اور اتحاد کے ساتھ تباہی کا سامنا کیا ہے اور ریاست کے وزیر اعلیٰ ٹھاکر سکھویندر سنگھ سکھو، تمام وزرائاور کانگریس کے ایم ایل ایز زمینی سطح پر رہ کر لوگوں کی ہر ممکن مدد کی ہے ۔[؟]
اس سے قبل محترمہ واڈرا نے آج ضلع کلو میں تیز بارش کی وجہ سے آفات سے متاثرہ مقامات کادورہ کیااورمتاثرین سے ملاقات کی۔ انہوں نے کلو کے سنگم برجاور منالی کے آلو گراو[؟][؟]نڈ سمیت مختلف مقامات سے بارش سے ہوئے نقصان کا جائزہ لیا۔ لوگوں نے محترمہ پرینکا گاندھی کو آگاہ کرایا کہ وزیر اعلی ٹھاکر سکھوندرسنگھ سکھواور ریاستی حکومت نے آفت میں ہر ممکن مدد کرنے کی کوشش کی ہے ۔
محترمہ واڈرا نے کہا کہ ریاست کے لوگ محنت عطیہ کر رہے ہیں اور جوش و خروش سے مالی مدد بھی کر رہے ہیں۔ ریاست کے تمام لوگوں نے جس جذبے کے ساتھ اس مشکل وقت کا سامنا کیا ہے وہ پورے ملک کے لیے ایک مثال ہے ۔
انہوں نے کہا کہ ریاستی حکومت اپنے وسائل سے متاثرہ خاندانوں کی مدد کرنے کی پوری کوشش کر رہی ہے ، لیکن مرکزی حکومت کی مدد کے بغیر ہماچل پردیش کو دوبارہ پٹری پر لانا مشکل ہے ۔ اس لیے مرکزی حکومت کو چاہیے کہ وہ اس سانحہ کو ‘قومی آفت’قرار دے اور ہماچل پردیش کی کھل کر مدد کرنی چاہئے ۔ انہوں نے کہا کہ ہماچل پردیش کی مدد کرتے ہوئے مرکزی حکومت کو یہ نہیں دیکھنا چاہئے کہ ریاست میں کانگریس یا بھارتیہ جنتا پارٹی کی حکومت ہے ۔
محترمہ پرینکا گاندھی نے کہا کہ باغبانوں اور کسانوں کو اس آفت سے کافی نقصان پہنچا ہے اور مرکزی حکومت کو ان کے بارے میں بھی سوچنا چاہئے ۔ انہوں نے کہا کہ ہماچل پردیش میں کچھ بڑے صنعت کاروں نے سیب کی قیمتیں کم کر دی ہیں جس کی وجہ سے سیب کے کاشتکاروں کو نقصان ہو رہا ہے ۔ یہی نہیں مرکزی حکومت نے واشنگٹن ایپل پر امپورٹ ڈیوٹی بھی کم کر دی ہے جس سے ہماچل پردیش کے سیب کاشتکاروں کو نقصان ہوگا۔ انہوں نے کہا کہ ہماچل پردیش کو پہلے ہی آفت میں نقصان اٹھانا پڑا ہے ، ایسے میں مرکزی حکومت کو ہماچل پردیش کے باغبانوں کے مفادات کے بارے میں سوچنا چاہیے ۔
اس سے پہلے آج، محترمہ پرینکا گاندھی ہماچل پردیش میں آفت زدہ علاقوں میں متاثرین سے ملنے ہماچل پردیش پہنچیں۔ انہوں نے کلو ضلع کے سنگم پل سے بیج ندی میں سیلاب سے ہونے والی تباہی کے راحت اور بچاو[؟][؟] کاموں کا معائنہ کیا اور آفت سے متاثرہ لوگوں کو مدد فراہم کرنے کا یقین دلایا۔