پرکشش وعدوں کے ساتھ شروع ہوئی پرینکا کی پرتگیا یاترا

بارہ بنکی 23 اکتوبر (یو این آئی) کسانوں، خواتین، نوجوانوں اور بے روزگاروں کو اپنے ایجنڈے کے مرکز میں رکھتے ہوئے، کانگریس کی جنرل سکریٹری پرینکا گاندھی واڈرا نے ‘ہم وچن نبھایں گے’ کی ٹیگ لائن کے ساتھ ‘پرتگیا یاترا’ کو ہری جھنڈی دکھائی۔

زید پور اسمبلی حلقہ سے ‘پرتگیا یاترا’ کو ہری جھنڈی دکھانے سے پہلے محترمہ واڈرا نے اپنے وعدوں کی پوٹلی کھولی جس میں انہوں نے وعدہ کیا ہے کہ اگر کانگریس اقتدار میں آئی تو لڑکیوں کو اسمارٹ فون اور اسکوٹی دی جائے گی جبکہ کسانوں کا پورا قرض معاف کر دیا جائے گا۔
کورونا مدت کے دوران کا بجلی بل معاف کردیا جائے گا جبکہ اس کے بعد آنے والے بجلی کے بل کا آدھاپیسہ معاف کیا جائے گا۔