”کرائم پٹرول” شو کی میزبانی کریں گی رادھیکا آپٹے

ممبئی:بالی ووڈ اداکارہ رادھیکا آپٹے سونی ٹی وی پر نشر ہونے والے شو ”کرائم پٹرول’ کے خاص ایپی سوڈ کی میزبانی کریں گی۔
رادھیکا کی فلم ”فوبیا” جلد ہی جلوہ گر ہونے والی ہے ۔ وہ کرائم پیٹرول کے خاص ایپی سوڈ کی میزبانی کرتی نظر آئیں گی۔ وہ اپنی فلم فوبیا کی تشہیر کے لئے اس شو کا حصہ بنی ہیں۔
ایسا کہا جارہا ہے کہ رادھیکا ”کرائم پیٹرول ” میں اکیلے شو کی میزبانی کرتی دکھائی دیں گی۔ یہ خاص ایپی سوڈ ہوگا جس میں وہ اپنی فلم ”فوبیا” کی تشہیر کرتی دکھائی دیں گی۔
قابل ذکر بات ہے کہ ہدایت کار پون کرپلانی کی فلم ”فوبیا” ایک ایسی لڑکی کی کہانی ہے جسے گھر چھوڑنے میں ڈر لگتا ہے ۔ فلم کے ٹریلر میں دکھایا گیا ہے کہ اس لڑکی کو اس بات کا ڈر ہے کہ اگر وہ گھر چھوڑے گی تو اسے نقصان پہنچایا جائے گا۔