راہل نے ڈی آر ڈی او کو مبارکباد دی

نئی دہلی،27مارچ؛)کانگریس صدر راہل گاندھی نے ہندوستان کو دشمن کے سیٹلائٹ کو خلا میں ہی مار گرانے کی مہارت حاصل کرکے دنیا کی چوتھی خلائی طاقت بنانے کےلئے ہندوستانی دفاعی تحقیقی تنظیم (ڈی آر ڈی او)کے سائنس دانوں کو مبارکباد دی ہے۔

مسٹر گاندھی نے بدھ کو ٹویٹ کیا،’’بہت زبردست ڈی آر ڈی او،آپ کے کام پر بہت فخر ہے۔‘‘
اس سے پہلے کانگریس کے میڈیا انچارج رندیپ سنگھ سرجے والا نے ’مشن شکتی ‘ کی کامیابی پر مبارکباد دیتے ہوئے کہا،’’ڈی آر ڈی او کو مبارکباد۔مشن شکتی کی بنیاد ترقی پسند اتحاد(یوپی اے)-کانگریس حکومت نے سال 2012میں رکھی تھی۔‘‘

کانگریس لیڈر نےہندوستان کو خلائی طاقت بننے کا سہرا پہلے وزیراعظم جواہر لال نہرو کو دیتے ہوئے کہا کہ پنڈت نہرو اور وکرم سارابھائی کے خوابوں کی وجہ سے ہندوستان خلائی ٹیکنولوجی میں ترقی کررہا ہے۔ہندوستان کےلئے یہ فخر کی بات ہے۔‘‘