راہل گاندھی نے دی عالمی یوم خواتین کی مبارکباد

نئی دہلی، 8 مارچ (یواین آئی) کانگریس کے سابق صدر راہل گاندھی نے اتوار كو خواتین کے عالمی دن پر ملک کی تمام خواتین کو مبارک باد دی اور انہیں مردوں سے زیادہ طاقتور بتایا۔

مسٹر گاندھی نے ایک ٹویٹ میں کہا’’ ہندوستان کی تمام خواتین کو یوم خواتین کی مبارکباد ۔ آپ روز بروز مستحکم ہوتی جائیں‘‘۔
انہوں نے مہاتما گاندھی کے ایک بیان کا بھی اسی ٹویٹس میں ذکر کیا جس میں کہا گیا ہے’’اگر طاقتور کا مطلب اخلاقی طاقت ہے تو خواتین قدرتی طورسے مردوں سے زیادہ طاقتور ہے‘‘۔
کانگریس لیڈر نے اپنی ٹویٹس میں ایک تصویر بھی پوسٹ کی ہے جس میں ملک کی اہم خواتین کی تصاویر ہیں۔