راہل نے اشاروں میں مودی پرتنقید کی

نئی دہلی ، 15 جولائی:کانگریس کے سابق صدر راہل گاندھی نے ویکسین کی قلت ، بیروزگاری ، مہنگائی وغیرہ کے سلسلے میں وزیر اعظم نریندر مودی پر ان کا نام لیے بغیرحملہ کرتے ہوئے جمعرات کو کہا کہ وہ صرف اپنی تشہیر پر ہی توجہ مرکوزکر رہے ہیں۔ ملک میں موجودی چیلنجوں کی انہیں کوئی پروا نہیں ہے ۔ مسٹر گاندھی نے شاعرانہ انداز میں ٹویٹ کیا ’’صدیوں کا بنایا ، پلوں میں مٹایا ، دیش جانتا ہے ، کون یہ کٹھن دور لایا ‘‘۔

انہوں نے ویکسین کی قلت ، چین کے ساتھ سرحدی کشیدگی ، بے روزگاری ، مہنگائی ، پبلک سیکٹراور کسانوں کے معاملات کو ٹویٹ کے ساتھ ہیگ ٹیگ کیا اور کہا کہ ملک میں موجودہ ان سنگین بحرانوں کو حل کرنے کے بجائے مسٹر مودی اپنے ہی پی آر پر توجہ مرکوز کر رہے ہیں۔