راجناتھ نے چرن سنگھ کی یوم پیدائش پر خراج عقیدت پیش کیا

نئی دہلی،23 دسمبر(یواین آئی) وزیردفاع راجناتھ سنگھ نے سابق وزیراعظم چودھری چرن سنگھ کو بدھ کو ان کی یوم پیدائش کے موقع پر یاد کرتے ہوئے خراج عقیدت پیش کیا اور کہا کہ ملک کے کچھ کسان زرعی اصلاحات قانونوں کے خلاف تحریک کررہے ہیں اور امید ہے کہ وہ جلد ہی اپنی تحریک ختم کریں گے۔

چودھری چرن سنگھ ملک کے پانچویں وزیراعظم تھے۔وہ 28 جولائی 1979 سے 14 جنوری 1980 تک وزیراعظم کے عہدے پر رہے۔ آج ان کی 118 ویں یوم پیدائش ہے۔
مسٹر سنگھ نے چودھری چرن سنگھ کی یوم پیدائش پر کسان دیوس پر سلسلے وار ٹویٹ کر کے کہا،’’سابق وزراعظم اور ملک کے سب سے قابل احترام کسان رہنماؤں میں شمار،چودھری چرن سنگھ جی کو ان کی یوم پیدائش کے موقع پر میں یاد کرکے خراج عقیدت پیش کرتا ہوں۔چودھری صاحب تاعمر کسانوں کے مسئلوں کو آواز دیتے رہے اور ان کے بہبود کےلئے کام کرتے رہے۔ملک ان کے تعاون کو ہمیشہ یاد رکھے گا۔‘‘
انہوں نے لکھا،’’چودھری چرن سنگھ چاہتے تھے کہ ملک کے کسانوں کی آمدنی بڑھے،ان کی فصلوں کی فائدے مند قیمت ملے اور کسانوں کی عزت و احترام محفوظ رہے۔ ہمارے وزیراعظم نریندر مودی جی ان کی تحریک سے ہی کسانوں کے حق میں متعدد قدم اٹھا رہے ہیں۔کسانوں کا وہ کسی صورت میں نقصان نہیں ہونے دیں گے۔‘‘
مسٹرسنگھ نے ایک دیگر ٹویٹ میں لکھا،’’آج کسان دیوس کے موقع پر میں ملک کے سبھی ان داتاؤں کا شکریہ ادا کرتا ہوں۔انہوں نے ملک کو خوراک کے تحفظ کی ڈھال دی ہے۔ زرعی قوانین کے سلسلے میں کچھ کسان تحریک کررہے ہیں۔ حکومت ان سے پوری حساسیت کے ساتھ بات کررہی ہے۔ میں امید کرتا ہوں کہ وہ جلد ہی اپنی تحریک کو واپس لیں گے۔‘‘