درآمدات برآمد میں روپے کے استعمال کو بڑھانے کے لیے آر بی آئی کے نئے اقدامات

نئی دہلی : روپے پر بڑھتے دباؤ کے درمیان، ریزرو بینک آف انڈیا نے دوسرے ممالک کے ساتھ درآمدات اور برآمدات میں روپے کے استعمال کی حوصلہ افزائی کرنے کے لئے ہندوستانی کرنسی میں ہی تفصیلی بل کاٹنے ، ، ادائیگی اور تصفیہ کے لیے اضافی انتظامات کرنے کا فیصلہ کیا ہے۔

ریزرو بینک نے پیر کو ایک سرکلر میں کہا کہ غیر ملکی کرنسی کا کاروبار کرنے والے مجاز بینکوں / ڈیلرز کو نئے انتظام میں داخل ہونے سے پہلے اس کے لیے ریزرو بینک کے ممبئی دفتر کے فارن ایکسچینج ڈیپارٹمنٹ سے اجازت لینی ہوگی۔
یہ انتظام فارن ایکسچینج مینجمنٹ ایکٹ کے تحت کیا جا رہا ہے۔ ریزرو بینک نے کہا ہے کہ اس کے تحت بیرون ملک سے درآمدات اور برآمدات کے تمام تفصیلی انوائس ہندوستانی روپے میں تیار کیے جاسکتے ہیں۔ اس میں ہندوستان اور متعلقہ ملک کی کرنسیوں کے ایکسچینج ریٹ کو مارکیٹ کی طرف سے طے شدہ شرح پر رکھا جا سکتا ہے۔ یہ سودا بھارتی روپے میں طے پائے گا۔
ریزرو بینک نے کہا ہے کہ حل کے لیے، ہندوستان میں مجاز ڈیلر بینکوں کو روپیہ ووسٹرو اکاؤنٹس کھولنے کی اجازت دی گئی ہے۔ اس کے تحت، ہندوستان میں ایک بااختیار بینک کاروبار میں حصہ لینے والے ملک کے بینک یا بینکوں کے ساتھ ایک خصوصی روپیہ ووسٹرو اکاؤنٹ کھول سکتا ہے۔
اس کے تحت، تصفیہ کے لیے، ہندوستانی درآمد کنندہ سامان اور خدمات کی ادائیگی غیر ملکی سپلائر کے بل اور انوائس کے مطابق روپے میں کرے گا۔ یہ رقم اس کے متعلقہ ملک کے بینک کے ذریعہ ہندوستان میں کھولے گئے ووسٹرو اکاؤنٹ میں جمع کی جائے گی۔
اسی طرح ہندوستانی برآمد کنندگان کو شراکت دار ملک کے بینکوں کے خصوصی ووسٹرو اکاؤنٹ سےبرآمدی ادائیگیاں کی جائیں گی۔
انٹربینکنگ منی مارکیٹ میں آج روپیہ 19 پیسے گر کر 79.45 روپے فی ڈالر کی ریکارڈ کم ترین سطح پر آگیا۔