نئی دہلی، 26 جولائی۔ راجیہ سبھا میں اپوزیشن لیڈر ملکارجن کھڑگے نے کہا کہ وزیر اعظم نریندر مودی منی پور معاملے پر پارلیمنٹ کے اندر اپنا بیان دیں۔وزیر داخلہ امت شاہ کے خط کا جواب دیتے ہوئے کھڑگے نے کہا کہ آپ (وزیر داخلہ شاہ) نوٹ کریں گے کہ منی پور میں 03 مئی کے بعد کی صورتحال پر ہندوستان کے حلقے مسلسل مطالبہ کر رہے ہیں کہ وزیر اعظم پہلے ایوان کے فلور پر اپنا بیان دیں۔ اس کے بعد دونوں ایوانوں میں اس موضوع پر تفصیلی بحث و مباحثہ ہونا چاہیے۔ منی پور میں گزشتہ 84 دنوں سے جس طرح کی سنگین صورتحال چل رہی ہے اور جس طرح کے واقعات ایک ایک کر کے سامنے آ رہے ہیں، اس سے ہم تمام سیاسی جماعتوں سے توقع کی جاتی ہے کہ ہم وہاں پر امن کی بحالی کے لیے فوری طور پر کام کریں اور ایک پیغام دیں۔
اس کے لیے کم از کم اتنا تو ملک کے اعلیٰ ترین ایوان میں کیا جائے گا۔ ہم اجتماعی طور پر یہی مطالبہ کر رہے ہیں۔کھڑگے نے کہا کہ آپ کے خط میں ظاہر کیے گئے جذبات کے قول اور فعل میں فرق ہے۔ آپ کے خط کی روح کے برعکس حکومت کا رویہ ایوان میں غیر حساس اور من مانی رہا ہے۔ یہ رویہ کوئی نیا نہیں ہے لیکن اپوزیشن کو گزشتہ کئی اجلاسوں میں ایسا ہی دیکھنے میں آیا ہے۔ اپوزیشن کو قواعد و ضوابط کو بالائے طاق رکھتے ہوئے ایک چابک سے ہانکا جا رہا ہے ۔
The Indian Express | Mallikarjun Kharge hits out at Amit Shah’s letter on Manipur discussion in Parliament: ‘Difference between words and action’ – The Indian Expresshttps://t.co/pBZmwn8lgK#AllTheNewsIndia #BreakingNews #BreakingNewsIndia
— All The News (@AllTheNewsIndia) July 26, 2023
