نئی دہلی:قومی راجدھانی کے ریٹھالہ علاقہ میں واقع جھونپڑیوں میں بھیانگ آتشزدگی ہوئي ہے ۔ یہ اطلاع فائر بریگیڈ محکمہ نے دی ہے ۔ انہوں نے بتایا کہ جھونپڑیوں میں گزشتہ شب تقریبا ساڑھے گیارہ بجے شدید آگ لگی تھی، جس پر فوری قابو پانے کے لئے آگ بجھانے کی 25 گاڑیوں کو موقع پر بھیجا گیا۔
انہوں نے بتایا کہ شدید آگ پر صبح سوا چھ بجے تک قابو پایا جاسکا ہے ۔ فائر محکمہ نے بتایا کہ آتشزدگی کی اصل وجہ کا ابھی تک پتہ نہیں چل سکا ہے ۔ تاہم، اس حادثہ میں ابھی تک کوئي ہلاکت کی اطلاع نہیں ہے ۔
