گونڈامیں سڑک حادثے میں ایک شخص ہلاک

گونڈا:اترپردیش میں گونڈا کے نواب گنج علاقے میں گونڈا-اجودھیا راستے پر نگوا گاؤں کے نزدیک پیر کو ہوئے سڑک حادثے میں ایک شخص کی موت ہوگئی۔

پولیس ذرائع نے یہاں بتایا کہ اسماعیل پور گاؤں کا رہنے والا دھرم راج (49)گونڈا-اجودھیا راستے پر نگوا گاؤں کے نزدیک سڑک پار کررہا تھا۔اس دوران سامنے سے آنے والی ایک تیزرفتار بس نے اسے زوردار ٹکر ماردی۔
اس حادثے میں دھرم راج کی جائے وقوع پر ہی موت ہوگئی۔اترپردیش روڈ ٹرانسپورٹ کارپوریشن کی بس کا ملزم ڈرائیور موقع سے فرار ہوگیا۔
پولیس ملزم بس ڈرائیور کی تلاش کررہی ہے ۔لاش پوسٹ مارٹم کے لئے بھیج دی گئی ہے ۔