ویگنر گروپ کے اعلانِ بغاوت کے بعد روسی وزارتِ دفاع نے پیغام جاری کردیا

روس کی نجی فوجی کمپنی ویگنر گروپ کے روسی فوجی قیادت کے خلاف بغاوت کے اعلان کے بعد روسی وزارتِ دفاع نے پیغام جاری کردیا۔روسی وزارتِ دفاع کا کہنا ہے کہ ویگنر فوجیوں کو دھوکا دیا گیا اور انہیں مجرمانہ مہم جوئی میں گھسیٹا جا رہا ہے، ویگنر فوجی روسی دفاعی نمائندوں اور قانون نافذ کرنے والے اداروں سے رابطہ کریں۔

غیرملکی میڈیا کے مطابق روسیِ وزارت دفاع نے ویگنر فوجیوں کو سیکیورٹی فراہم کرنے کی ضمانت بھی دینے کا کہا ہے۔

https://t.co/cbf5BKCJdo – #Russia-Ukraine war live: Putin says those behind ‘armed #rebellion’ will be punished; #Wagner chief says he’s in Rostov military HQ – latest updates… #Putsch #Moscow #Wagner #Eilmeldunghttps://t.co/zoHVsO3GdB

— Nornenauge (@nornenauge) June 24, 2023

اس سے قبل ویگنر گروپ کے سربراہ نے روسی وزارتِ دفاع کے خلاف آخری حد تک جانے کا اعلان کیا تھا۔ویگنر گروپ کے سربراہ یوو گنی پری گوژن نے الزام عائد کیا تھا کہ روس نے ویگنر گروپ کے فوجیوں کو میزائل حملے کا نشانہ بنایا۔

Ukraine:Wagner group creates unrest in Moscow | Russia Millitary Coup | Putin | Yevgeny Prigozhin | CIA ROLE? #RussiaIsCollapsing#Russia #Moscowhttps://t.co/7Z6I5aGMd2 pic.twitter.com/wdiWB1gQMm

— Bollywood Music (@youtuber_311) June 24, 2023

غیرملکی میڈیا کے مطابق یوو گنی پری گوژن نے روسی فوجی ہیلی کاپٹر مار گرانے کا بھی دعویٰ کیا تھا۔

ویگنر گروپ کے سربراہ نے کہا تھا کہ 25 ہزار فوجی روسی عوام کے لیے مرنے کے لیے تیار ہیں، ہم اپنے راستے میں آنے والی ہر شے تباہ کر دیں گے۔

’اس گندگی کو صاف کرنے کی ضرورت ہے‘
ان کا کہنا تھا کہ روسی عوام ہمارے ساتھ شامل ہو جائیں، ہمیں اس گندگی کو صاف کرنے کی ضرورت ہے، یہ فوجی بغاوت نہیں بلکہ انصاف کے لیے مارچ ہے۔

دوسری جانب روسی وزارتِ دفاع نے فوری طور پر ویگنر گروپ کے سربراہ کے الزام کی تردید کرتے ہوئے ان کی گرفتاری کے احکامات جاری کردیے تھے۔

روسی اٹارنی جنرل کا کہنا تھا کہ ویگنر گروپ کے خلاف مسلح بغاوت کے الزام کی تحقیقات کی جا رہی ہیں، الزامات ثابت ہونے پر ویگنر گروپ کے بانی کو 12 سے20 سال جیل ہو سکتی ہے۔

’صدر پیوٹن کو کشیدگی سے متعلق بتایا جا رہا ہے‘
اس معاملے پر کریملن کی جانب سے جاری بیان میں کہا گیا تھا کہ روسی صدر پیوٹن کو ویگنر گروپ اور وزارتِ دفاع کے درمیان کشیدگی سے متعلق اطلاعات دی جا رہی ہیں۔

دوسری جانب ماسکو کے میئر نے انسداد دہشتگردی اقدامات کے تحت اضافی سیکیورٹی تعینات کردی ہے۔

غیرملکی میڈیا کے مطابق ماسکو کی سڑکوں پر روسی فوجی گاڑیوں کا گشت بڑھا دیا گیا ہے جبکہ روس کے ریجن روستوف اور لپیسک میں بھی سیکیورٹی میں اضافہ کیا گیا ہے۔

لپیسک ریجن کے گورنر کا کہنا ہے کہ جنوبی ریجنز کو ماسکو سے ملانے والی ایم 4 موٹروے ٹریفک کے لیے بند کردی گئی ہے۔