ثانیہ مرزا ٹک ٹاک پر

حیدرآباد12اپریل (یواین آئی)سرکردہ ٹینس اسٹار ثانیہ مرزا اب سماجی رابطہ کے اہم ذریعہ ٹک ٹاک پر بھی اکاونٹ بناچکی ہیں۔حیدرآبادی ٹینس اسٹار نے اس خصوص میں ایک مختصر پانچ سکنڈ کا ویڈیوٹوئیٹر پر پوسٹ کیا۔

انہوں نے اس ویڈیو جس کو تقریبا 439افراد نے دیکھا ہے میں کہا کہ وہ اب ٹک ٹاک پربھی آگئی ہیں۔انہوں نے اس ویڈیو میں خواہش کی ہے کہ ان کو فالو کیاجائے۔

ثانیہ مرزا پہلے ہی سماجی رابطہ کے دیگر ذرائع پر کافی سرگرم ہیں اور وقتا فوقتا مختلف تصاویر اور ویڈیوز پوسٹ کرتی رہتی ہیں۔ان کے کئی فالوورس بھی ہیں۔ان کی بعض پوسٹس اخبارات کی زینت بھی بنتے ہیں۔