علی گڑھ کے ساس اور داماد کی عاشقی جیسی سمدھی۔سمدھن کی لو اسٹوری، داماد کے باپ سے محبت ہوئی، نقدی اور زیورات لے کر فرار

بدایوں: علی گڑھ میں جہاں ساس اور داماد کی محبت کی کہانی ان کی شادی پر ختم ہو گئی۔ وہیں بدایوں ضلع سے بھی ایسا ہی ایک معاملہ سامنے آیا ہے۔ یہ محبت کی کہانی سمدھی اور سمدھن کی ہے۔

ان کے درمیان محبت اس قدر بڑھی کہ دونوں نے گھر سے بھاگنے کا فیصلہ کر لیا۔ داماد کے باپ کے ساتھ سمدھن گھر سے بھاگ گئی۔ گھر والوں کا الزام ہے کہ وہ اپنے ساتھ گھر سے نقدی اور زیورات بھی لے گئی۔ پولیس کا کہنا ہے کہ پورے معاملے کی تفتیش کی جا رہی ہے۔

تین سال پہلے ہوئی تھی بیٹی کی شادی:

علی گڑھ میں بیٹی کی بارات سے ایک دن قبل ہونے والی ساس اپنے داماد کے ساتھ نقدی اور زیور لے کر فرار ہو گئی تھی۔ ان کی کونسلنگ بھی کی گئی لیکن دونوں نہیں مانے اور شادی رچا لی۔ یہ تازہ معاملہ یوپی کے بدایوں میں سامنے آیا ہے۔

فرق صرف اتنا ہے کہ علی گڑھ میں ساس داماد کے ساتھ بھاگ گئی تھی اور بدایوں میں سمدھن اپنے سمدھی کے ساتھ بھاگ گئی۔ اس خاتون نے تین سال قبل اپنی بیٹی کی شادی کی تھی۔ چار بچوں کی ماں یہ خاتون اپنی بیٹی کے سسر کی محبت میں گرفتار ہو گئی۔

پہلے دونوں نے آپس میں باتیں کیں اور پھر آہستہ آہستہ ملاقاتوں کا سلسلہ چل پڑا۔ الزام ہے کہ جب خاتون کا شوہر گھر پر موجود نہیں ہوتا تھا تو مبینہ طور پر وہ اپنے سمدھی سے ملاقات کرتی تھی۔

شوہر اکثر گھر سے باہر رہتا تھا:

چونکہ خاتون کا شوہر ٹرک ڈرائیور ہے۔ اس وجہ سے وہ اکثر گھر سے باہر رہتا تھا۔ اس کا فائدہ اٹھاتے ہوئے سمدھن اپنے سمدھی سے مبینہ طور پر ملاقات کرتی تھی۔ شوہر کو بھی اپنی بیوی پر شک تھا، اس کے باوجود وہ گھر والوں کے لیے باہر سے پیسے بھیجتا تھا۔ اب وہ دونوں گھر سے بھاگ گئے ہیں۔ شوہر کا الزام ہے کہ اس کی بیوی نقدی اور زیورات لے گئی ہے۔

بیٹے نے بھی لگائے سنگین الزامات:

اس سلسلے میں خاتون کے بیٹے نے الزام لگایا کہ اس کے والد گھر پر نہیں رہتے۔ ماں ہر تیسرے دن سمدھی کو بلاتی تھیں۔

پڑوسیوں نے بتایا کہ شوہر رات 12 بجے آتا تھا:

پڑوسیوں کا کہنا ہے کہ خاتون کا شوہر اکثر گھر سے باہر رہتا تھا۔ وہ مہینے میں صرف ایک یا دو بار گھر آتا تھا۔ اس معاملے پر داتا گنج کے سی او کے کے تیواری کا کہنا ہے کہ کیس سے متعلق درخواست موصول ہوئی ہے۔ اس معاملے میں ضروری قانونی کارروائی کی جائے گی۔