سماجوادی پارٹی مافیاازم اور دہشت گردی کی ہمنوا ہے: نڈا

اورئی : سماج وادی پارٹی (ایس پی) کو مافیاازم اور دہشت گردی کی ہمنوا قرار دیتے ہوئے بھارتیہ جنتا پارٹی (بی جے پی) کے قومی صدر جے پی نڈا نے جمعہ کے روز کہا کہ موجودہ اسمبلی انتخابات میں اتر پردیش کے عوام تباہ کاری کا خاتمہ کرکے ترقی کے حق میں اپنی حمایت دیں گے۔

ضلع جالون کے تحصیل ہیڈ کوارٹر اورئی میں پارٹی امیدوار گوری شنکر ورما کی حمایت میں ایک انتخابی ریلی سے خطاب کرتے ہوئے مسٹرنڈا نے کہا کہ یہ انتخاب ترقی بمقابلہ تباہی اور سکیورٹی بمقابلہ عدم تحفظ ہے۔
ایس پی نے اپنے دور حکومت میں ریت مافیا، زمین مافیا اور دہشت گردوں کی حوصلہ افزائی کا کام کیاہے۔