امیت شاہ کو چپل اٹھا کر پہننے کیلئے بنڈی سنجے نے دیا،ویڈیو وائرل

 حیدرآباد، 22/اگست (یواین آئی) مرکزی وزیرداخلہ امیت شاہ کوچپل اٹھاکر پہننے کے لئے دینے سے متعلق تلنگانہ بی جے پی کے صدربنڈی سنجے کا ویڈیو وائرل ہوگیا جس پر مختلف گوشوں سے ان پر تنقیدیں کی جارہی ہیں۔امیت شاہ نے گزشتہ روز سکندرآباد کی مہانکالی مندر میں پوجا کی تھی۔

پوجا کے بعد جب وہ مندر سے باہر نکلے تو بنڈی سنجے تیزی کے ساتھ آگے بڑھے اور انہوں نے امیت شاہ کو چپل اٹھا کر دی تاکہ وہ چپل پہن سکیں۔امیت شاہ تلنگانہ کے منوگوڑو میں جلسہ میں شرکت کے لئے پہنچے تھے۔

https://twitter.com/krishanKTRS/status/1561537299904471040?ref_src=twsrc%5Etfw%7Ctwcamp%5Etweetembed%7Ctwterm%5E1561561710300782592%7Ctwgr%5E0e189e0072066f77c58c5cf0b72c3f367c7a3858%7Ctwcon%5Es3_&ref_url=https%3A%2F%2Fwww.gulte.com%2Fpolitical-news%2F191434%2Fviral-video-bandi-caught-carrying-amit-shahs-shoes

تلنگانہ کے وزیرآئی ٹی تارک راماراو کے ساتھ ساتھ ریاست کی حکمران جماعت ٹی آرایس کے سوشیل میڈیا کنوینر وائی ستیش ریڈی نے اس ویڈیو کو ٹوئیٹر ہینڈل سے پوسٹ کیا۔یہ ویڈیو دیکھتے ہی دیکھتے سوشیل میڈیا کے مختلف پلیٹ فارمس پر تیزی کے ساتھ وائرل ہوگیا۔