یمن میں سعودی فورسز کے فضائی حملوں میں 40 سے زائد حوثی ہلاک

صنعا ، 14 ستمبر ؛یمن کے صوبے مارب میں گذشتہ 24 گھنٹے کے دوران سعودی عرب کی قیادت میں فضائی حملوں میں 40 سے زائد حوثی مارے گئے ہیں۔

ماریب میں مسلح افواج کے میڈیا سینٹر کے قریبی ذرائع نے بتایا کہ فضائی حملوں میں صرواح ضلع میں باغیوں کے ٹھکانوں ، اجتماعات اور محاذ پر تعیناتیوں کو نشانہ بنایا ، جس میں کم از کم 40 افراد ہلاک اور نو مسلح گاڑیاں تباہ ہو گئیں۔ انہوں نے کہا کہ یہ فضائی حملے باغیوں کی جانب سے فرنٹ لائن پر تعینات یمنی فورسز پر شروع کیے گئےحملوں کے جواب میں تھے۔ انہوں نے دعویٰ کیا کہ ان حملوں میں حکومت نواز مسلح افواج کا کوئی رکن زخمی نہیں ہوا۔

حوثیوں کے زیر انتظام المسيرة ٹی وی نے مزید تفصیلات فراہم کیے بغیر ضلع صرواح میں 19سعودی قیادت والے فضائی حملوں کی اطلاع دی۔