سعودی عرب نےکورونا وائرس کے پھیلاؤ میں تیزی کے پیش نظراسکول اور یونیورسٹیاں بند کردیں۔
فرانسیسی خبررساں ادارے ’اے ایف پی‘ کی رپورٹ کے مطابق سعودی پریس ایجنسی سے جاری بیان میں وزارت داخلہ نے کہا ہے کہ اس ملک میں کورونا وائرس کے 11 نئے کیسز ریکارڈ ہونے کے باعث مکہ مکرمہ میں مسجد الحرام اور مدینہ منورہ میں مسجد نبوی نمازِ عشا کے ایک گھنٹے بعد سے نمازِ فجر سے ایک گھنٹہ قبل تک روزانہ بند رکھنے کا افیصلہ کیا گیا ہے۔
اس کے علاوہ اس نے جنت البقیع میں بھی زائرین کے جانے پر پابندی عائد کردی ۔ اسی کے ساتھ سعودی عرب نے 9 ممالک کے سفر اور ان ممالک سے آنے والے افراد کے داخلے پر بھی پابندی عائد کردی ہے جن میں متحدہ عرب امارات، کویت، بحرین، لبنان، شام، جنوبی کوریا، اٹلی اور عراق شامل ہیں۔
اس سے قبل سعودی حکومت نے مکہ اور مدینہ میں غیر ملکیوں کے داخلے پر بھی پابندی عائد کی تھی۔
