مکہ مکرمہ میں فوج کی کارروائی ، کئی غیرملکی گرفتار

مکہ مکرمہ ۔ سعودی سکیورٹی فورس نے مکہ مکرمہ کے العزیزیہ محلے میں کارروائی کرکے ایک مکان سے متعدد افراد کو گرفتار کیا ہے۔ چشم دید گواہوں نے کہا کہ سکیورٹی فورس کی بڑی تعداد نے صبح 9 بجے پورے علاقے کو گھیر لیا جس مکان میں مطلوب افراد پناہ لئے ہوئے تھے،

اس کے گرد حصار بنالیا اور خصوصی کارروائی کرتے ہوئے تمام افراد کو گرفتار کرلیا۔ سعودی سکیورٹی ادارہ کی جانب سے کارروائی سے متعلق کوئی بیان ابھی تک جاری نہیں ہوا تاہم علاقے کے مکینوں کا کہنا ہے کہ جس مکان پر چھاپہ مارا گیا ہے۔

وہاں غیرملکی رہتے تھے۔ رہائشوں نے کہا ہے کہ سکیورٹی فورس نے بڑی مہارت کے ساتھ اس طرح کارروائی کی کہ مکینوں کو کسی غیرمعمولی حرکت کا علم تک نہ ہوسکا۔