سعودی عرب میں پہلی بار شادی کے لیے عمر کی حد مقرر

سعودی عرب کی حکومت نے شادی کرنے کے لیے نئی قانون سازی کرتے ہوئے پہلی بار عمر کا تعین کرتے ہوئے شادی کے لیے عمر کی حد 18 سال مقرر کردی۔اردو اخبار ڈاک کے مطابق سعودی عرب میں نئی قانون سازی سے قبل شادی کے لیے کوئی مخصوص عمر کا تعین نہیں تھا اور کئی واقعات میں لڑکیوں کی شادی 15 سال سے کم عمری میں بھی کرائی جاتی تھیں۔

اسی طرح لڑکوں کے لیے بھی شادی کی عمر کی کوئی خاص حد مقرر نہیں تھی، تاہم اب پہلی بار شادی کے لیے عمر کی حد کا تعین کردیا گیا۔

عرب اخبار ’دی نیشنل‘ کے مطابق چائلڈ میرج کے نئے قانون کے لیے کئی ماہ سے قانون سازی جاری تھی، تاہم وزارت انصاف نئے نئی قانون سازی سے متعلق ہدایات جاری کردیں۔

Saudi Arab banned under 18 marriages
Shukar … #sayNoTochildmarriage #sane #apriciatebleDecision
https://t.co/W84czqw912

— uzma alkarim (@uzmaalkarim) December 27, 2019

رپورٹ کے مطابق چائلڈ میرج پروٹیکشن نامی بل کو سعودی شوریٰ کونسل نے پاس کیا اور اس بل پر گزشتہ کئی ماہ سے قانون سازی جاری تھی۔

قانون کو منظور کیے جانے کے بعد سعودی عرب کی وزارت انصاف نے تمام عدالتوں کو ہدایت نامہ جاری کرتے ہوئے کہا ہے کہ شادی کی کم سے کم عمر 18 سال مقرر کردی گئی ہے۔شادی کے لیے 18 سال کی عمر کا شرط لڑکوں سمیت لڑکیوں پر بھی ہوگا۔

Saudi justice minister vows action against underage marriages | Arab News https://t.co/WPBRN8SQG7

— Dr Humma Saif (@HummaSaif) December 26, 2019

نئی قانون سازی کے تحت وزارت انصاف نے عدالتوں کو یہ بھی ہدایت کی ہے کہ اگر عدالتوں کو کسی کی جانب سے 18 سال کی عمر سے قبل شادی کی درخواست موصول ہوتی ہے تو وہ مذکورہ درخواست خصوصی کمیٹی کے پاس بھجوائیں۔

وزارت انصاف کی جانب سے چائلڈ میرج ایکٹ کے تحت قائم کی گئی خصوصی کمیٹی 18 سال سے قبل شادی کی درخواست کو دیکھنے کے بعد انہیں قانونی طور پر شادی کرنے یا نہ کرنے کی اجازت دینے کا فیصلہ کرے گی۔

نئے قانون میں عدالتوں اور حکام کو اس بات کا پابند بنایا گیا ہے کہ کس طرح بھی شادی کرنے والے لڑکے یا لڑکی کی عمر 15 سال سے کم نہ ہو۔

Marriage and buying a marital home remain big goals for young Saudi males, inspiring them to save for the future, reports the #Saudi Youth Development Survey for 2019, compiled by the General Authority for Statistics @Stats_Saudi #Vision2030 https://t.co/OtjhpNQnE3 pic.twitter.com/WDJkbmhVOj

— Arab News (@arabnews) December 28, 2019

نئے قانون کے مطابق کسی بھی صورت میں 15 سال سے کم عمر لڑکی کی شادی نہیں کی جا سکتی—فوٹو: اے ایف پی
خیال رہے کہ سعودی حکومت نے کم عمری میں شادیوں کو روکنے کے لیے جنوری 2019 سے قانون سازی کا آغاز کیا تھا اور چائلڈ میرج ایکٹ کے بل کو شوریٰ کونسل میں بھجوایا گیا تھا۔

شادی ایکٹ کے بل پر قانون سازی کے لیے شوریٰ کونسل کو لگ بھگ ایک سال کا وقت لگا۔

نئی قانون سازی کے تحت شادی کرنے والی لڑکیوں کو یہ حق بھی دیا گیا ہے کہ وہ شادی ختم کروانے کے لیے عدالت سے رجوع کر سکیں گی۔ساتھ ہی خواتین کو بچوں کا پیدائشی سرٹیفکیٹ حاصل کرنے اور انہیں اپنے بچوں کے کفیل ہونے کا اختیار بھی دیا گیا ہے۔