آبدوز کی تلاش، کینیڈیئن طیارے کو ٹائی ٹینک ڈوبنے کے مقام سے سگنلز موصول

غرقاب جہاز ٹائی ٹینک کی سیر کو جانے والی لاپتہ آبدوز ٹائٹین کی تلاش جاری ہے، اس حوالے سے برطانوی اخبار نے بتایا ہے کہ کینیڈا کے طیارے کو ٹائی ٹینک ڈوبنے کے مقام سے سگنلز موصول ہوئے ہیں۔

برطانوی اخبار کا دعویٰ ہے کہ سگنل ہر 30 منٹ بعد موصول ہو رہے ہیں، امریکی ہوم لینڈ سیکیورٹی کے ساتھ ای میل کے تبادلے میں یہ بات سامنے آئی ہے۔برطانوی اخبار کے مطابق سمندر میں موجود جدید ترین ’سونو بوائیز‘ سگنل جانچنے میں کامیاب رہے ہیں۔

صدر ایکسپلورر رچرڈ گیریٹ کا اس حوالے سے جاری کیے گئے بیان میں کہنا ہے کہ ڈیٹا کی بنیاد پر کہتا ہوں کہ زندگی کے اشارے ملے ہیں۔امریکی حکومت کے درمیان رابطوں میں انکشاف ہوا ہے کہ لاپتہ آبدوز کی تلاش کے لیے اضافی سونر ڈیوائسز کے استعمال کے بعد بھی بینگنگ ساؤنڈ سنی گئی۔

امریکی میمو کے مطابق لاپتہ آبدوز کی تلاش کے دوران اضافی صوتی اثرات سنے گئے ہیں۔

غیر ملکی خبر ایجنسی کے مطابق امریکی کوسٹ گارڈز نے بھی لاپتہ آبدوز کی تلاش کے دوران زیرِ سمندر آوازیں سنی جانے کی تصدیق کی ہے۔

Hopes of finding the missing Titanic tourist submarine have been buoyed after a Canadian aircraft heard ‘banging’ from the depths of the ocean near where the vessel vanished: https://t.co/TFoUKFr2yT pic.twitter.com/LBxtDUkngF

— The Australian (@australian) June 21, 2023

امریکی کوسٹ گارڈز کا کہنا ہے کہ آبدوز کی تلاش کے دوران کینیڈین طیارے نے زیرِ سمندر آوازوں کا پتہ لگایا ہے۔

برطانوی اخبار کے مطابق حکام نے رپورٹ کی تصدیق نہیں کی ہے۔

Inside the Titanic submarine:
-limited space
-the ride is bolted shut from the OUTSIDE
-you pilot the thing with a game-controlling joystick
What’s more? Each passenger paid $250,000 each for the tour. pic.twitter.com/s8gs2FJwns

— Mahnoor Tariq (@smahnoort) June 21, 2023

واضح رہے کہ بحرِاوقیانوس میں سیاحوں کی لاپتہ آبدوز ٹائٹین کی تلاش جاری ہے۔لاپتہ آبدوز کی تلاش میں امریکا اور کینیڈا کے بحری جہاز اور طیارے حصہ لے رہے ہیں۔

ٹائٹین اتوار کو لاپتہ ہوئی
21 فٹ کی آبدوز ٹائٹین مقامی وقت کے مطابق اتوار کی صبح 4 بجے روانہ ہوئی تھی مگر پونے 2 گھنٹے بعد ہی اس کا رابطہ منقطع ہو گیا تھا۔

ٹائٹین کی خامی یہ ہے کہ یہ خود اپنی سمت متعین کرنے سے قاصر ہے، یہ سمندر کی سطح پر موجود جہاز سے ملنے والے ٹیکسٹ میسیجز پر انحصار کرتی ہے۔

Here's footage from inside the "Titan" submarine that went missing with 5 tourists viewing the Titanic pic.twitter.com/naQWNlMLcI

— Yash Chaudhari 🌞 (@YashPioneers) June 21, 2023

امریکی حکام نے اس میں موجود پانچوں افراد کی شناخت ظاہر نہیں کی تاہم تصدیق کی ہے کہ ان میں سے 1 پائلٹ ہے جبکہ 4 مشن اسپیشلسٹ ہیں۔

گزشتہ روز برطانوی میڈیا نے انکشاف کیا کہ ٹائی ٹینک کے ملبے کی سیر کرانے والی لاپتہ آبدوز میں 2 پاکستانی بھی سوار تھے۔

اہل خانہ نے جاری کیے گئے بیان کے ذریعے بتایا ہے کہ لاپتہ آبدوز میں پاکستانی تاجر شہزادہ داؤد اور ان کا بیٹا سلیمان بھی سوار تھے، جن سے رابطہ منقطع ہو گیا ہے۔

سیاحوں کی لاپتا آبدوز میں 30 گھنٹے کی آکسیجن باقی رہ گئی

برطانوی میڈیا کے مطابق شہزادہ داؤد اور ان کے بیٹے سلیمان ٹائی ٹینک کی باقیات دیکھنے آبدوز میں گئے تھے۔

شہزادہ داؤد برطانیہ میں مقیم اور ایس ای ٹی آئی انسٹی ٹیوٹ میں ٹرسٹی ہیں، وہ ایک نجی کمپنی میں بطور نائب چیئرمین خدمات انجام دے رہے ہیں۔

برطانوی میڈیا کے مطابق ٹائٹین میں موجود افراد میں اسی کمپنی اوشین گیٹ کے سی ای او اسٹاکٹن رش Stockton Rush، فرانسیسی بحریہ کے سابق اہلکار پال ہنری نارجیولیٹ PH Nargeolet اور گینیز ورلڈ ریکارڈ یافتہ برطانوی ارب پتی ہیمش ہارڈنگ Hamish Harding بھی موجود ہیں۔

ٹائٹین کے ٹائی ٹینک میں پھنسنے کا خدشہ
خدشہ ظاہر کیا گیا ہے کہ ٹائٹین بحیرِ اوقیانوس میں ساڑھے 12 ہزار فٹ گہرائی میں موجود ٹائی ٹینک جہاز کے ملبے میں ممکنہ طور پر پھنس گئی ہے۔

امریکا کی ریاست میساچوسٹس میں کیپ کوڈ سے 9 سو میل مشرقی علاقے میں ممکنہ طور پر موجود اس ٹائٹین کو ریسکیو کرنے کے لیے امریکا اور کینیڈا نے طیارے اور جہاز بھیجے ہیں۔

امریکی بحریہ کے افسر ریئر ایڈمرل جان ماؤجر نے پریس کانفرنس میں بتایا کہ ہر ممکن کوشش جاری ہے مگر ابھی یہ واضح ہی نہیں ہو پایا کہ ٹائٹین کس مقام پر ہے، یہ بھی کہ اگر ٹائٹین ملبے میں پھنس گئی تو کوسٹ گارڈ اسے نکال پائیں گے یا نہیں۔

ٹائی ٹینک 1912ء میں ڈوبا تھا
ٹائی ٹینک جہاز 15 اپریل 1912ء کو انگلینڈ سے نیویارک آتے ہوئے برفانی تودے سے ٹکرا کر ڈوب گیا تھا، حادثے میں 1500 افراد ہلاک ہو گئے تھے، تاہم جہاز کا ملبہ 1985ء میں ملا تھا۔

ٹائی ٹینک کا ملبہ بحرِ اوقیانوس میں 12 ہزار 500 فٹ کی گہرائی میں موجود ہے، جو نیو فاؤنڈ لینڈ اور کینیڈا کے ساحل سے تقریباً 600 کلو میٹر دور ہے۔

غرق شدہ ٹائیٹینک دکھانے کیلئے مسافروں کو لے جانے والی آبدوز لاپتہ

ڈوبے ہوئے جہاز میں لوگوں کی دلچسپی 1997ء میں جیمز کیمرون کی بنائی گئی فلم ٹائی ٹینک سے پیدا ہوئی تھی جس کے بعد 2009ء میں اوشین گیٹ کمپنی نے سیاحوں کو اس مقام کا دورہ کرانا شروع کیا تھا۔

5 افراد کی گنجائش والی یہ آبدوز 96 گھنٹوں کے لیے آکسیجن کے ساتھ زیرِ آب رہ سکتی ہے۔

اوشین گیٹ کی جانب سے آبدوز ٹائٹین سے رابطہ منقطع ہونے کے بعد اس کے لاپتہ ہونے کا اعلان کیا گیا۔