شاعر اہلبیت جناب عشرت لکھنوی انتقال کر گئے

 لکھنئو : انا لله و انا الیه راجعون- افسوس صد افسوس عالمی شہرت یافتہ شاعرِ اہلِ بیت عشرت لکھنوی کا رضائے الہٰی سے انتقال ہو گیا.

نوحہ گوئی کے فن میں ماہر تھے جناب عشرت لکھنوی صاحب۔

ایلیا ایلیا سکینہ سکینہ۔۔۔۔ اٹھارہ برس کے علی اکبر کا جنازہ۔۔۔۔ عباس ہو کہا میرے عباس ہو کہا۔۔۔۔ سینے پہ سونے والی تئربت پے سو رہی ہے۔۔۔۔ اسیر ہوتی ہے اٹھارہ بھائیوں کی بہن۔۔۔۔ جیسے منفرد نوحہ لکھنے والی مشہور و معروف شخصیت انجمن شبیریہ شیش محل کے قلم کار آج صبح اچانک حرکت قلب رکنے کے سبب انتقال کر گئے۔

انکے اچانک انتقال کی خبر جیسے ہی سوشل میڈٰیا پر آئی انکے بینیے نوحے لکھنے کے سبب چاہنے والوں میں کہرام مچ گیا۔ اللہ مرحوم کی مغفرت فرمائیے۔

رثائی ادب میں اپنی منفرد شناخت رکھنے والے لکھنوی تہذیب کے ورثه دار،غریب پرور،علم دوست، حق گو،بیباک، مبلغ پیغامات قرآن کریم اور اہلبیت طاہرین جناب عشرت لکھنوی کا انتقال پر ملال۔

ایک عہد کا خاتمھ پھر ان آنکھوں نے دیکھا۔

نہیں معلوم تھا کہ پرسوں جس شفیق بزرگ سے بات ہوئی وہ آج اس دار فانی سے وداع کہه جائے گا

عشرت صاحب نے جو پیار دیا،جو محبت دی،جو اعتماد کیا وہ بیان کرنا میرے لئے فی الوقت ممکن نہیں

دل کسی طرح قابو میں آنا بھی چاہے تو کیسے اۓ کسی نہ کسی کی رحلت نے اب بالکل توڑ دیا ہے

ہم شیعہ قوم ڈاٹ کام کی جانب سے شاعر اہلبیت جناب عشرت لکھنوی کے انتقال سے غم زدہ ہیں۔ اللہ سے دعا کرتے ہیں کہ جناب عشرت لکھنوی مرحوم کے آخرت میں درجات بلند ہوں۔ پروردگار عالم عشرت لکھنوی کو جوار معصومین (ع) میں جگہ عطا فرمائے اور خانوادے کو صبر جمیل عطا کریں.-آمین۔