شاہ رخ خان بیٹے آریان کے برانڈ کیلئے ایمبیسیڈر بن گئے

شاہ رخ خان نے فوٹو اینڈ ویڈیو شیئرنگ ایپ انسٹاگرام پر آریان کے برانڈ ’ڈیاول‘ کے کپڑوں کی نئی کلیکشن کی تشہیری ویڈیو شیئر کی ہے۔اس تشہیری ویڈیو میں آریان خان کو بورڈ پر چاک سے بلیک بورڈ پر کچھ لکھتےہوئے اپنے برانڈ کے لوگو کا انتخاب کرتے ہوئے کچھ دشواری کا سامنا کرتے جبکہ شاہ رخ خان کو اس کام میں اپنے بیٹے کی مدد کرتے دیکھا جا سکتا ہے۔

اس اشتہاری ویڈیو کے ساتھ آریان خان نے بالی ووڈ میں بطور ہدایتکار اپنے کیریئر کا آغاز بھی کیا ہے۔

یاد رہے کہ اُنہوں نے امریکا کی ایک یونیورسٹی سے فائن آرٹس، سینما ٹک آرٹس، فلم اور ٹیلی ویژن پروڈکشن میں بیچلرز کی ڈگری حاصل کی ہے۔

آریان خان کا اپنے والد کے نقش قدم پر چلتے ہوئے اداکاری کرنے کا کوئی ارادہ نہیں ہے بلکہ وہ کیمرے کے پیچھے رہ کر ہی کام کرنا چاہتے ہیں۔