شاہ رخ خان دپیکا اور رنویر کو والدین بننے پر مبارکباد دینے اسپتال پہنچے

 ممبئی، 13 ستمبر (یو این آئی) بالی ووڈ کے کنگ خان شاہ رخ خان دپیکا پاڈوکون اور رنویر سنگھ کو والدین بننے پر مبارکباد دینے ممبئی کے سر ایچ این ریلائنس فاؤنڈیشن اسپتال پہنچے ۔

دپیکا اور رنویر کے یہاں حال ہی میں پہلے بچے کی پیدائش ہوئی ہے ۔ ویڈیو میں شاہ رخ خان کی گاڑی کو اسپتال کے احاطے میں داخل ہوتے اور باہر نکلتے ہوئے دیکھا گیا۔ دیپیکا پاڈوکون نے 8 ستمبر کو بیٹی کو جنم دیا ہے ۔
اس خبر کی باضابطہ تصدیق جوڑے نے انسٹاگرام پوسٹ کے ذریعے کی۔ بچی کی آمد کے بعد بہت سی مشہور شخصیات اور مداحوں نے انہیں مبارکباد دینے کے لیے سوشل میڈیا پر پوسٹ شیئر کیں۔
انوشکا شرما نے اپنے انسٹاگرام پر دیپیکا کو مبارکباد دی۔ بالی ووڈ کی دیگر مشہور شخصیات نے بھی دیپیکا اور رنویر کو مبارکباد دی ہے ۔