شاہ رخ خان عالیہ بھٹ کی پروڈکشن میں کام کرنے کے خواہش مند

بالی ووڈ کنگ شاہ رخ خان اداکارہ عالیہ بھٹ کی پروڈکشن کے اگلے پراجیکٹ میں کا م کرنے کے خواہش مند ہیں۔اداکار شاہ رخ خان نے مائیکرو بلاگنگ ویب سائٹ ٹوئٹر پر عالیہ بھٹ کے بطور پروڈیوسر اپنی پہلی فلم ’ڈارلنگز‘ کی شوٹنگ کے آغاز کے بارے میں کی گئی ایک پوسٹ اپنے اکاؤنٹ پر شیئر کی ہے ۔

انہوں نے ٹوئٹ میں اپنی خواہش کا ظہار کرتے ہوئے لکھا ہے کہ ’براہ کرم، اس پروڈکشن کے بعد اپنی اگلی پروڈکشن کے لیے میرا انتخاب کریں، میں وعدہ کرتا ہوں کہ شوٹنگ کے لیے وقت پر آؤں گا اور بہت پیشہ ورانہ انداز سے کام کروں گا۔‘

After this production please sign me up for your next home production little one. I will come in time for the shoot and be very professional..promise! https://t.co/rXzha7LmZR

— Shah Rukh Khan (@iamsrk) July 3, 2021

شاہ رخ خان کی جانب سے اس خواہش کے اظہار نے عالیہ بھٹ کو خوش کر دیا ہے۔عالیہ بھٹ نے شارخ خان کو جواب دیتے ہوئے اپنے ٹوئٹ میں لکھا ہے کہ ’میں مزید کچھ نہیں مانگ سکتی تھی، معاہدہ پر دستخط ہو گئے!َ‘

انہوں نے مزید لکھا کہ ’آپ میرے پسندیدہ اداکار ہیں۔‘

واضح رہے کہ بطور پروڈیوسر عالیہ بھٹ کی پہلی پروڈکشن فلم ’ڈارلنگز‘ میں ان کے شریک پروڈیوسر اداکار شاہ رخ خان ہی ہیں۔