رنجش کے سبب ضعیف کا گولی مار کر قتل ۔کیس درج

پرتاپ گڑھ: اتر پردیش میں ضلع پرتاپ گڑھ کے تھانہ سٹی کوتوالی علاقے کے ڈھرہنا گاوُں میں پیر کی شب پرانی رنجش کی وجہ سے نوجوان نے ایک ضعیف کا گولی مار کر قتل کر دیا۔ پولیس سپرنٹنڈنٹ دیو رنجن ورما نے قتل کی تصدیق کرتے ہوئے بتایا کہ شیو کمار وشوا کرما (60 )کی بیٹی کے ساتھ گاوُں کے سورج نے تین سال قبل چھیڑ خانی کی تھی جس پر دونوں فریقین میں مار پیٹ ہوئی تھی ۔

جس کے سبب دونوں میں رنجش چل رہی تھی ۔پیر کی شب سورج نے ٹیوب ویل پر بیٹھے شیو کمار کو گولی مار دی ۔ بزرگ کو سنگین حالت میں علاج کیلئے ضلع اسپتال لایا گیا جہاں ڈاکٹروں نے اسے مردہ قرار دے دیا ۔پولیس نے قتل کا معاملہ درج کر کے تحقیقات شروع کردی ہے ۔لاش پوسٹ مارٹم کیلئے بھیج دی گئی ہے ۔