عروس البلاد ممبئی میں پھر موسلادھار بارش سے صورتحال سنگین

ممبئی ،27،جولائی:عروس البلاد ممبئی میں گزشتہ دو ہفتے سے زیادہ عرصے سے جاری موسلادھار بارش سے چھٹکارا نہیں ملا ہے بلکہ ایک بار پھرممبئی کو انتہائی شدید بارش کا سامنا ہے ۔ شہر میں سنگین صورتحال ہے , تعلیمی ادارے بند ہیں اور پبلک ٹرانسپورٹ میں مسافروں کی تعداد انتہائی قلیل دیکھی گئی ۔

محکمہ موسمیات نے ممبئی شہر اور مضافاتی علاقے کے لیے جمعہ تک ریڈ الرٹ جاری کیا ہے ، موسلادھار بارش کے پیش نظر شہر میں اسکولوں اور کالجوں کو بند کر دیا گیا ہے ۔ ٹریفک، لوکل ٹرین اور بس سروسز میں خلل پڑنے کا قوی امکان ہے ۔

IMD has again issued a red alert for heavy rains in the city. Parts of Mumbai are expected to receive severe downpours in the state for the next 3-4 hours on Thursday.#MumbaiRains #mumbairain #HeavyRains #HeavyRainfall #WeatherUpdate #rainalert pic.twitter.com/3qXsOJ5oy1

— Oneindia News (@Oneindia) July 27, 2023

ممبئی میں بارش نے سنگین صورتحال اختیار کر لی ہے ۔ممبئی میں دفتر موسمیات کے ذریعے ریڈالرٹ کااعلان کیے جانے کے بعد میونسپل کارپوریشن نے جمعرات کواسکول اور کالجوں میں عام تعطیل کااعلان کیا ہے کیونکہ شہر میں بھاری بارش کا امکان ہے محکمہ موسمیات نے مہاراشٹر کے کئی اضلاع کے حوالے سے ریڈ الرٹ جاری کیا ہے ۔

مہاراشٹر کی راجدھانی ممبئی، پڑوسی تھانے اور رائے گڑھ سمیت پوری ریاست میں تیز بارش ہو رہی ہے ۔ دریں اثنا، ہندوستان کے محکمہ موسمیات نے ممبئی اور تھانے کے اضلاع میں بارش کے لیے الرٹ جاری کیا۔ رتناگیری ضلع میں آج کے لیے ریڈ الرٹ جاری کیا گیا ہے ، جبکہ تھانے ، پالگھر اور رائے گڑھ اضلاع میں ہلکی سے بھاری بارش کا الرٹ ہے ۔بی ایم سی ذرائع کے مطابق خراب موسم اور تیز بارش کو دیکھتے ہیں بی ایم سی نے کل 27 جولائی کو تعلیمی ادارے بندنکیے گئے ہیں۔

آئی ایم ڈی نے ممبئی میں جمعرات کوبھی ہوگی بھاری سے بہت بھاری بارش اور کال کے لیے ممبئی میں الرٹ ظاہر کیا ہے ۔احتیاطا چھٹی کردی گئی ہے ۔ شہر میں رک رک کر بارش کا سلسلہ جاری ہے ۔حکام نے کہاکہ بہت ضروری ہونے پر گھر سے باہر نکالا جائے ۔