ماما بلاتی تھی بچی، دوست کی 6 سالہ بیٹی کی پہلے کی عصمت دری اور پھر کیا قتل

لکھنؤ : سعادت گنج علاقہ میں رہنے والے ایک مزدور کی ۶ سال کی بیٹی کی اس کے ایک ساتھی نے عصمت دری کے بعد گلا ریت کر بہیمانہ قتل کردیا۔ ملزم بچی کو چپکے سے اپنے ساتھ اپنے گھر لے گیا تھا۔ دیر رات بچی کا گلا کٹی ہوئی لاش ملزم کے گھر میں پڑی ملی۔ پولیس نے ملزم کو گرفتارکرلیا ہے اور اس سے پوچھ گچھ کررہی ہے۔

اترپردیش میں لکھنؤ کے سعادت گنج علاقے میں ایک درندے نے اپنے دوست کی چھ سالہ بچی کے ساتھ زیادتی کرنے کے بعد اس کا گلا کاٹ کر قتل کردیا۔ پولیس ترجمان کے مطابق پرانے لکھنؤ کے سعادت گنج علاقے میں رہنے والی چھ سالہ بچی اتوار کی دوپہر سے غائب تھی ۔ جب کافی دیر تک بچی گھر نہیں پہنچی تب اس کی تلاش کی گئی لیکن اس کا کوئی پتہ نہیں چل سکا۔

بعد میں اہل خانہ نے سعادت گنج پولیس اسٹیشن میں لڑکی کے لاپتہ ہونے کی اطلاع دی۔ بچی کے والد نے اپنے دوست ببلو پر بچی کو غائب کرنے کا شبہ ظاہر کیا۔ اس کے بعد پولیس ٹھاكرگنج کے ہزارہ باغ میں واقع ببلو کے گھر پہنچی تو ملزم نشے کی حالت میں پایا گیا۔

پولیس نے جب اس سے پوچھ گچھ کی تو وہ کافی دیر تک گمراہ کرنے کی کوشش کرتا رہا۔ اسی درمیان بچی کے گھروالے دوبارہ ملزم کے گھر پہنچ گئے جہاں ہنگامے کے خدشہ کے پیش نظر پولیس بھی موقع پر پہنچ گئی۔انہوں نے بتایا کہ اہل خانہ کے دباؤ پر پولیس نے ببلو کے گھر لگا تالا توڑا اور تلاشی لی تو اس کے پلنگ کے نیچے بچی ننگی حالت میں خون سے لت پت ملی۔ پولیس بچی کو لے کر ٹراما سینٹر گئی جہاں ڈاكٹروں نے اسے مردہ قرار دے دیا۔ بچی کے گلے پر تیز دھار ہتھیار کے نشان تھے۔

اس واقعہ سے مشتعل بچی کے اہل خانہ نے رات کو ٹراما سینٹر اور وزیرباغ میں جم کر ہنگامہ کیا اور بعد میں ملزم کے گھر پر بھی توڑ پھوڑ کی۔ واقعہ کے بعد علاقے میں کشیدگی کو دیکھتے ہوئے پولیس اور پی اے سی تعینات کرنی پڑی۔

واضح رہے کہ ملزم ببلو اور بچی کے والد آپس میں دوست تھے اور ایک دوسرے کے گھر آنا جانا تھا ۔ ببلو عمارت سازی کے سامان کی دکان پر کام کرتا تھا لیکن نشے کی لت کی وجہ سے دکاندار نے اسے دکان سے نکال دیا تھا۔ بچی کے والد کے مطابق اتوار کی دوپہر ببلو اس کے گھر آیا، دونوں نے ساتھ کھانا کھایا اور اس کے بعد وہ گھر سے چلے گئے۔ تھوڑی دیر بعد ببلو پھر دوست کے گھر پہنچا اور دوست کی بیٹی کوبہلا پھسلاکر اپنے ساتھ لے کر چلا گیا۔ گھر لے جاکر اس نے بچی کی عصمت دری کی اور گلا کاٹ کر اس کا قتل کردیا۔ بچی ملزم کو ماموں کہتی تھی۔

***

وہیں اس واردات کے بعد پورے علاقے میں زبردست اشتعال ہے اور لوگوں نے سڑک پر جم کر ہنگامہ بھی کیا۔ احتیاط کے طور پر کثیر پولیس فورس کوعلاقہ مین تعینات کردیا گیا ہے۔
سعادت گنج کے وزیر باغ علاقہ میں سیمنٹ بالو کی دکان پر ایک مزدور کام کرتاہے۔ وہ اپنی بیوی ، ۶ سال کی بیٹی اور دو چھوٹے بیٹوں کے ساتھ رہتا ہے۔ مزدور کے ساتھ ہی ٹھاکر گنج کا رہنے والا ببلو بھی کام کیا کرتا تھا، دونوںکے درمیان اچھی دوستی بھی تھی۔ بتایا جاتاہے کہ اتوار کی شام قریب چار بجے ببلو مزدور کے گھر پہنچا اس وقت مزدور دکان پر تھا۔ببلو نے مزدور کی بیٹی سے پینے کیلئے ایک گلاس پانی مانگا اس پر لڑکی نے اسے پانی لاکر دیا۔ ببلو نے پانی پیا اس کے بعد ببلو اور بچی دونوں غائب ہوگئے۔ کنبہ والوںنے بچی کو تلاش کیا مگر اس کاکوئی پتہ نہیں چل سکا۔ کنبہ کے لوگ اور محلے والے بچی کو تلاش رہے تھے کہ اسی درمیان بچی کی نانی نے بتایاکہ شام کو ببلو گھر آیا تھا تبھی سے بچی غائب ہے۔